ວັນທີ 7 ຕຸລານີ້ ທ່ານຟູ້ຊົ່ງ ຜູ້ຕາງໜ້າຖາວອນຈີນປະຈຳອົງການສະຫະປະຊາຊາດກ່າວວ່າ: ຈີນແມ່ນຜູ້ລິເລີ່ມຢ່າງໝັ້ນໜຽວບໍ່ປ່ຽນແປງຂອງລັດທິຫຼາຍຝ່າຍຢ່າງສະເໝີຕົ້ນສະເໝີປາຍ, ແມ່ນຜູ້ປົກປ້ອງຢ່າງໝັ້ນໜຽວບໍ່ປ່ຽນແປງຕໍ່ບົດບາດຂອງອົງການສະຫະປະຊາຊາດ, ຈີນຍິນດີຮ່ວມກັບແຕ່ລະຝ່າຍ, ສະໜັບສະໜູນອົງການສະຫະປະຊາຊາດຕັ້ງໜ້າດຳເນີນການກະທຳຢ່າງຫຼາຍກວ່າເກົ່າ, ຈະຫັນປ່ຽນຄຳໝັ້ນສັນຍາດ້ານການເມືອງຂອງ “ສັນຍາອະນາຄົດ” ເປັນການກະທຳຕົວຈິງຢ່າງລະອຽດ, ຮ່ວມກັນສ້າງປະຊາຄົມຮ່ວມຊາຕາກຳຂອງມວນມະນຸດ.

ທ່ານຟູ້ຊົ່ງໄດ້ກ່າວຄຳປາໄສໃນການອະພິປາຍທີ່ມີຫົວຂໍ້ກ່ຽວກັບ: “ການປະຕິບັດຜົນໄດ້ຮັບໃນກອງປະຊຸມທີ່ສຳຄັນຂອງອົງການສະຫະປະຊາຊາດ, ເພີ່ມທະວີແລະປະຕິຮູບລະບົບອົງການສະຫະປະຊາຊາດ” ວ່າ: ປະຊາຊົນຂອງແຕ່ລະປະເທດຮ່ວມກັນຮຽກຮ້ອງໃຫ້ໂລກມີຄວາມສະເໝີພາບກວ່ເກົ່າ, ປອດໄພກວ່າເກົ່າ, ຈະເລີນຮຸ່ງເຮືອງກວ່າເກົ່າແລະຍືນຍົງກວ່າເກົ່າ, ຄອງຄອຍໃຫ້ອົງການສະຫະປະຊາຊາດເສີມຂະຫຍາຍບົດບາດທີ່ສຳຄັນກ່ຽວກັບເລື່ອງນີ້.