ວັນທີ 8 ຕຸລານີ້, ທ່ານອັນໂຕນິໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດກ່າວເຕືອນວ່າ: ລີບັງໄດ້ຕົກຢູ່ໃນສະພາບທີ່ໃກ້ຈະເກີດສົງຄາມຢ່າງຮອບດ້ານ, ແຕ່ປະຊາຄົມໂລກຍັງມີເວລາສະກັດກັ້ນບໍ່ໃຫ້ສົງຄາມເກີດຂຶ້ນຢ່າງຮອບດ້ານ.

ທ່ານກ່າວຕື່ມວ່າ: ການປະທະກັນຢູ່ເຂດຕາເວັນອອກກາງສືບຕໍ່ຮຸນແຮງ ແລະຄຳເຕືອນທີ່ວ່າສະຖານະການຮຸນແຮງຂຶ້ນຈະສົ່ງຜົນຮ້າຍຢ້ອນຫຼັງມາໃຫ້ນັ້ນໄດ້ກາຍເປັນຄວາມຈິງຢ່າງບໍ່ຢຸດຢັ້ງ. ຍ້ອນເຫດຜົນດັ່ງກ່າວ, ປະຊາຄົມໂລກບໍ່ສາມາດ ແລະບໍ່ປະລະຄວາມຮຽກຮ້ອງທີ່ໃຫ້ຢຸດຍິງຢູ່ເຂດກາຊາ ແລະລີບັງໃນທັນທີ, ປ່ອຍຕົວປະກັນແບບບໍ່ມີເງື່ອນໄຂໃນທັນທີ ແລະກອບກູ້ຊີວິດໃຫ້ຜູ້ຕ້ອງການສຸກເສີນທັງໝົດໃນທັນທີ, ພ້ອມທັງຊຸກຍູ້ການປະຕິບັດ “ແຜນການສອງປະເທດ” ເພື່ອແກ້ໄຂບັນຫາປາແລັດສະຕິນ-ອິດສະຣາແອນທີ່ “ບໍ່ສາມາດປີ້ນຄືນໄດ້”.