ຕອນເຊົ້າວັນທີ 9 ຕຸລານີ້ຕາມເວລາວຽງຈັນ, ກອງປະຊຸມສຸດຍອດອາຊຽນຄັ້ງທີ 44 ແລະຄັ້ງທີ 45 ໄດ້ໄຂຂຶ້ນຢ່າງເປັນທາງການຢູ່ນະຄອນຫຼວງວຽງຈັນຂອງລາວທີ່ເປັນປະເທດປະທານໝູນວຽນອາຊຽນ. ກອງປະຊຸມຄັ້ງນີ້ມີຜູ້ນຳຈາກບັນດາປະເທດສະມາຊິກອາຊຽນ,ປະເທດຄູ່ເຈລະຈາ ແລະປະເທດສັງເກດການ 20 ກວ່າທ່ານພ້ອມດ້ວຍຜູ້ຕາງໜ້າອົງການຈັດຕັ້ງສາກົນເຊິ່ງລວມທັງອົງການສະຫະປະຊາຊາດເຂົ້າຮ່ວມ.

      ກອງປະຊຸມຄັ້ງນີ້ຈະດຳເນີນໄປເປັນເວລາ 3 ວັນລະຫວ່າງວັນທີ 9 ຫາ 11 ຕຸລານີ້ ໂດຍປິ່ນອ້ອມຫົວຂໍ້ຕົ້ນຕໍ “ເພີ່ມທະວີການເຊື່ອມຈອດແລະຄວາມເຂັ້ມແຂງອາຊຽນ”,ເອົາໃຈໃສ່ຄວາມຈຳເປັນກ່ຽວກັບການຊຸກຍູ້ການເຊື່ອມໂຍງແລະເຊື່ອມຈອດກັນຢູ່ໃນພາກພື້ນ,ຍົກລະດັບຄວາມຕ້ານທານທາງດ້ານເສດຖະກິດແລະເພີ່ມທະວີການຮ່ວມມືລະຫວ່າງບັນດາປະເທດສະມາຊິກອາຊຽນພາຍໃຕ້ສິ່ງທ້າທາຍທາງດ້ານເສດຖະກິດ,ການເມືອງແລະຄວາມໝັ້ນຄົງຂອງໂລກໃນປັດຈຸບັນ.