ວັນທີ 10 ຕຸລານີ້ ນັກຂ່າວໄດ້ຮັບຂໍ້ມູນຈາກກະຊວງການຄ້າຈີນວ່າ: ຜູ້ນຳຈີນແລະ 10 ປະເທດສະມາຊິກອາຊຽນໄດ້ປະກາດໃນມື້ດຽວກັນວ່າໄດ້ສິ້ນສຸດການເຈລະຈາກ່ຽວກັບການຍົກລະດັບສັນຍາການຄ້າເສລີຈີນ-ອາຊຽນສະບັບ 3.0 ດ້ວຍລັກສະນະທາດແທ້, ໂດຍໄດ້ອອກ “ຖະແຫຼງການຮ່ວມກ່ຽວກັບການສິ້ນສຸດການເຈລະຈາກ່ຽວກັບການຍົກລະດັບສັນຍາການຄ້າເສລີຈີນ-ອາຊຽນສະບັບ 3.0 ດ້ວຍລັກສະນະທາດແທ້ລະຫວ່າງຈີນ-ອາຊຽນ”.

ຂ່າວແຈ້ງໃຫ້ຮູ້ວ່າ: ສັນຍາການຍົກລະດັບການຄ້າເສລີຈີນ-ອາຊຽນສະບັບ 3.0 ກວມເອົາ 9 ຂົງເຂດ, ໃນນັ້ນລວມມີຂົງເຂດທີ່ມີຢູ່ໃນປັດຈຸບັນຕາມສັນຍາການຄ້າເສລີຈີນ-ອາຊຽນ, ແລະຂົງເຂດຈະເລີນໃໝ່ທີ່ມີກຳລັງແຮງບົ່ມຊ້ອນດ້ານການຮ່ວມມືຢ່າງຫຼວງຫຼາຍລະຫວ່າງສອງຝ່າຍ.

ສອງຝ່າຍເຫັນດີເປັນເອກະພາບກັນວ່າ: ຜົນສຳເລັດການຍົກລະດັບດັ່ງກ່າວຈະບຸກເບີກການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໃນຂົງເຂດຈະເລີນໃໝ່ລະຫວ່າງຈີນ-ອາຊຽນຢ່າງຮອບດ້ານ, ເພີ່ມທະວີການເຊື່ອມໂຍງເຊື່ອມຈອດກັນໃນຂົງເຂດມາດຕະຖານແລະກົດລະບຽບລະຫວ່າງສອງຝ່າຍ, ຊຸກຍູ້ການຄ້າແບບໂລ່ງລ່ຽນແລະການພັດທະນາແບບໂອບເອື້ອອາລີ.