ວັນທີ 10 ຕຸລານີ້, ກອງປະຊຸມສະພາສິດທິມະນຸດອົງການສະຫະປະຊາຊາດຄັ້ງທີ 57 ໄດ້ເປິກສາຫາລືແລ້ວຕົກລົງຮັບຮອງເອົາມະຕິກ່ຽວກັບການສ້າງສິ່ງກໍ່ສ້າງສຳລັບຄົນພິການ ແລະຜູ້ອາຍຸສູງຊຸກຍູ້ໃຫ້ທຸກຄົນມີສິດທິມະນຸດທີ່ສະເໜີໂດຍຈີນໃນນາມຜູ້ຕາງໜ້າຂອງ 30 ປະເທດ ເຊັ່ນ: ກາເມີຣູນ, ຮົງດູຣັດ, ປາກິດສະຖານ, ຕູຣາເຄຍ ແລະອື່ນໆ. ນີ້ຖືເປັນຄັ້ງທຳອິດທີ່ອົງການສປຊຮັບຮອງເອົາມະຕິກ່ຽວກັບຫົວຂໍ້ນີ້.

ທ່ານເຊີນສູ້ຍ ຜູ້ຕາງໜ້າຖາວອນຈີນປະຈຳສຳນັກງານອົງການສະຫະປະຊາຊາດ ແລະອົງການຈັດຕັ້ງສາກົນອື່ນໆທີ່ນະຄອນເຊີແນວຂອງສະວິດໄດ້ກ່າວໃນເວລາແນະນຳຮ່າງມະຕິສະບັບນີ້ວ່າ: ວຽກງານສ້າງສິ່ງກໍ່ສ້າງສຳລັບຄົນພິການ ແລະຜູ້ອາຍຸສູງສາມາດເຮັດໃຫ້ຜົນການພັດທະນາສົ່ງຜົນປະໂຫຍດໃຫ້ແກ່ປະຊາຊົນທົ່ວໄປ, ເຮັດໃຫ້ທຸກຄົນມີໂອກາດສະເໝີພາບກັນ ແລະບັນລຸການພັດທະນາທົ່ວໄປແບບໂອບເອື້ອອາລີ. ຫວັງວ່າບັນດາຝ່າຍຈະບັນລຸຄວາມເຫັນທີ່ເປັນເອກະພາບກັນວ່າ “ທຸກຄົນສາມາດຊົມໃຊ້ສິ່ງກໍ່ສ້າງແບບບໍ່ມີສິ່ງກີດຂວາງ” ແລະຮ່ວມກັນຊຸກຍູ້ວຽກງານການສ້າງສິ່ງກໍ່ສ້າງສຳລັບຄົນພິການ ແລະຜູ້ອາຍຸສູງ.