ວັນທີ 10 ຕຸລານີ້, ນັກຂ່າວໄດ້ຮັບຂໍ້ມູນຈາກກະຊວງການຄ້າຈີນວ່າ: ໃນ 8 ເດືອນປີນີ້, ການຄ້າດ້ານການບໍລິການຂອງຈີນສືບຕໍ່ເພີ່ມຂຶ້ນຢ່າງວ່ອງໄວ, ຍອດມູນຄ່ານຳເຂົ້າ ແລະສົ່ງອອກດ້ານການບໍລິການໄດ້ບັນລຸ 4,886.56 ຕື້ຢວນ, ເພີ່ມຂຶ້ນ 14,3% ເມື່ອທຽບໃສ່ໄລຍະດຽວກັນຂອງປີ 2023.

ອີງຕາມຂໍ້ມູນສະຖິຕິໄດ້ຊີ້ໃຫ້ເຫັນວ່າ: ລະຫວ່າງເດືອນມັງກອນຫາເດືອນສິງຫາປີນີ້, ມູນຄ່າສົ່ງອອກດ້ານການບໍລິການຂອງຈີນບັນລຸ 2,005.84 ຕື້ຢວນ, ເພີ່ມຂຶ້ນ 13,3% ເມື່ອທຽບໃສ່ໄລຍະດຽວກັນຂອງປີ 2023; ມູນຄ່ານຳເຂົ້າດ້ານການບໍລິການບັນລຸ 2,880.72 ຕື້ຢວນ, ເພີ່ມຂຶ້ນ 15,1% ເມື່ອທຽບໃສ່ໄລຍະດຽວກັນຂອງປີ 2023; ການຂາດດຸນດ້ານການຄ້າການບໍລິການມີມູນຄ່າ 874.88 ຕື້ຢວນ.