ອີງຕາມຂໍ້ມູນຫຼ້າສຸດທີ່ສະມາຄົມອຸດສາຫະກຳລົດຍົນຈີນເປີດເຜີຍໃນວັນທີ 12 ຕຸລານີ້ສະແດງໃຫ້ເຫັນວ່າ: ນັບແຕ່ເດືອນມັງກອນຫາເດືອນກັນຍາປີນີ້, ປະລິມານການຜະລິດແລະການຈຳໜ່າຍລົດຍົນຂອງຈີນຕ່າງໄດ້ເພີ່ມຂຶ້ນຫຼາຍກວ່າ 20 ລ້ານຄັນ,ໃນນັ້ນປະລິມານການຜະລິດລົດຍົນບັນລຸເຖິງ 21.470.000 ຄັນ ເພີ່ມຂຶ້ນ 1,9% ເມື່ອທຽບໃສ່ໄລຍະດຽວກັນຂອງປີກາຍ, ຂະນະທີ່ປະລິມານການຈຳໜ່າຍລົດຍົນບັນລຸເຖິງ 21.571.000 ຄັນ, ເພີ່ມຂຶ້ນ 2,4%  ເມື່ອທຽບໃສ່ໄລຍະດຽວກັນຂອງປີກາຍ. ໃນນີ້, ປະລິມານການຜະລິດແລະການຈຳໜ່າຍລົດພະລັງງານໃໝ່ຕ່າງໄດ້ເພີ່ມຂຶ້ນຫຼາຍກວ່າ 8.300.000 ຄັນ ເຊິ່ງເທົ່າກັບເພີ່ມຂຶ້ນຫຼາຍກວ່າ 30% ເມື່ອທຽບໃສ່ໄລຍະດຽວກັນຂອງປີກາຍ, ນອກນີ້, ປະລິມານການຈຳໜ່າຍລົດພະລັງງານໃໝ່ໄດ້ກວມເອົາຍອດປະລິມານການຈຳໜ່າຍລົດຍົນເກືອບ 40%.