ວັນທີ 13 ຕຸລານີ້, ຫົວໜ້າຫ້ອງການນະໂຍບາຍຕໍ່ຕ່າງປະເທດຂອງກະຊວງການຕ່າງປະເທດສປປປເກົາຫຼີກ່າວຄຳເຫັນ ເພື່ອກ່າວປະນາມອາເມຣິກາທີ່ດຳເນີນການເຄື່ອນໄຫວຕ້ານສປປເກົາຫຼີດ້ວຍຂໍ້ອ້າງ“ສິດທິມະນຸດ”.

  ເນື້ອໃນຄຳເຫັນຊີ້້ອອກວ່າ: ຫວ່າງບໍ່ດົນມານີ້, “ທູດພິເສດດ້ານສິດທິມະນຸດ” ຂອງກະຊວງການຕ່າງປະເທດອາເມຣິກາໄດ້ເຕົ້າໂຮມຜູ້ກຳອຳນາໃນລັດຖະບານສເກົາຫຼີ ແລະ ຄະນະທີ່ເອີ້ນວ່າ “ສິດທິມະນຸດ” ຢູ່ນະຄອນຫຼວງເຊອູນ ເພື່ອສ້າງກົນອຸບາຍຕ້ານສປປເກົາຫຼີ.

    ໂດຍສະເພາະແມ່ນ “ທູດພິເສດດ້ານສິດທິມະນຸດ” ກະຊວງການຕ່າງປະເທດອາເມຣິກາກ່າວວ່າ: “ການສົ່ງຂໍ້ມູນຂ່າວລັບ ແລະ ການປ່າວປະກາດເລື່ອງສາສະໜາ” ຂອງສປປເກົາຫຼີ ແມ່ນ “ເສົາຄ້ຳແກນກາງ່ຂອງນະໂຍບາຍຕໍ່ສປປເກົາຫຼີຂອງອາເມຣິກາ” ໂດຍໄດ້ຍອມຮັບແລ້ວວ່າ: ການປ່ຽນແປງແນວຄິດ ແລະ ໂຄ່ນລົ້ມລະບອບຂອງສປປເກົາຫຼີແມ່ນເປົ້າໝາຍສຳຄັນໃນນະໂຍບາຍຕໍ່ສປປເກົາຫຼີຂອງລັດຖະບານອາເມຣິກາຊຸດປັດຈຸບັນ.

    ກະຊວງການຕ່າງປະເທດສປປເກົາຫຼີເຫັນວ່າ: ຂໍ້ອ້າງກ່ຽວກັບ “ສິດທິມະນຸດ” ຂອງອາເມຣິກາໄດ້ລະເມີດກຽດສັກສີ ແລະ ອະທິປະໄຕຂອງສປປເກົາຫຼີຢ່າງປ່າເຖື່ອນ, ທ້າທາຍເກາະຜິດຕໍ່ການເມືອງຢ່າງໜັກໜ່ວງ ຈຶ່ງສະແດງຄວາມເຫັນເພື່ອຄັດຄ້ານຢ່າງເດັດດ່ຽວຕໍ່ກັບເລື່ອງນີ້.