ວັນທີ 15 ຕຸລານີ້, ທ່ານນາງ ເມົານິງ ໂຄສົກກະຊວງການຕ່າງປະເທດຈີນເປັນປະທານກອງປະຊຸມຖະແຫຼງຂ່າວ. ມີນັກຂ່າວຖາມກ່ຽວກັບສະຖານະການຢູ່ແຫຼມເກົາຫຼີ.

    ທ່ານນາງ ເມົານິງ ຕອບວ່າ: ໃນຖານະເປັນປະເທດບ້ານໃກ້ເຮືອນຄຽງ, ຈີນເອົາໃຈໃສ່ຕໍ່ການຜັນແປຂອງສະຖານະການຢູ່ແຫຼມເກົາຫຼີ ແລະ ທ່ວງທ່າຂອງສາຍພົວພັນລະຫວ່າງ ສປປ ເກົາຫຼີ ກັບ ສ ເກົາຫຼີ, ສະຖານະການເຄັ່ງຕຶງຢູ່ແຫຼມເກົາຫຼີແມ່ນບໍ່ສອດຄ່ອງກັບຜົນປະໂຫຍດຮ່ວມຂອງບັນດາຝ່າຍ,  ໜ້າທີ່ຮີບດ່ວນທີ່ສຸດຢູ່ແຫຼມເກົາຫຼີແມ່ນຫຼີກລ່ຽງບໍ່ໃຫ້ຄວາມຂັດແຍ້ງຮຸນແຮງຂຶ້ນຕື່ມອີກ. ຈຸດຢືນຂອງຈີນທີ່ສຸມກໍາລັງເຂົ້າໃນການປົກປັກຮັກສາສັນຕິພາບ ແລະ ສະຖຽນລະພາບຢູ່ແຫຼມເກົາຫຼີ, ຊຸກຍູ້ໃຫ້ແກ້ໄຂບັນຫາແຫຼມເກົາຫຼີໂດຍຜ່ານທາງການເມືອງແມ່ນບໍ່ມີການປ່ຽນແປງ, ພວກເຮົາຫວັງວ່າບັນດາຝ່າຍຈະຮ່ວມກັນສຸມຄວາມພະຍາຍາມຕໍ່ເລື່ອງນີ້.