ຕອນເຊົ້າວັນທີ 18 ຕຸລານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວ, ໂດຍໄດ້ແນະນຳສະພາບເສດຖະກິດແຫ່ງຊາດຂອງຈີນໃນ 3 ໄຕມາດຜ່ານມາ. ອີງຕາມຕົວເລກສະຖິຕິທີ່ເປີດເຜີຍໂດຍອົງການສະຖິຕິແຫ່ງຊາດຈີນສະແດງໃຫ້ເຫັນວ່າ: ຕາມການຄິດໄລ່ເບື້ອງຕົ້ນ, ລວມຍອດຜະລິດຕະພັນພາຍໃນ ຫຼືGDP ຂອງຈີນໃນ 3 ໄຕມາດຜ່ານມາແມ່ນ 94,974.6 ຕື້ຢວນ, ຖ້າຄິດໄລ່ຕາມລາຄາບໍ່ປ່ຽນແປງແລ້ວແມ່ນເພີ່ມຂຶ້ນ 4,8% ເມື່ອທຽບໃສ່ໄລຍະດຽວກັນຂອງປີກາຍ.

    ຖ້າເບິ່ງຕາມໄຕມາດແລ້ວ, GDP ຂອງຈີນຕ່າງເພີ່ມຂຶ້ນ 5,3% ໃນໄຕມາດທີ 1, ເພີ່ມຂຶ້ນ 4,7% ໃນໄຕມາດທີ 2 ແລະ ເພີ່ມຂຶ້ນ 4,6% ໃນໄຕມາດທີ 3 ເມື່ອທຽບໃສ່ໄລຍະດຽວກັນຂອງປີກາຍ.