ວັນທີ 18 ຕຸລານີ້, ທ່ານນາງ ເມົານີງ ໂຄສົກກະຊວງການຕ່າງປະເທດຈີນໄດ້ເປັນປະທານກອງປະຊຸມຖະແຫຼງຂ່າວ. ມີນັກຂ່າວຖາມວ່າ: ຈີນໄດ້ແຈ້ງຂ່າວທີ່ທ່ານສີຈິ້ນຜິງ ປະທານປະເທດຈີນຈະເດີນທາງໄປເຂົ້າຮ່ວມ ກອງປະຊຸມສຸດຍອດປະເທດບຣິກສຄັ້ງທີ 16, ຈີນມີຄວາມຄ່ອງຄອຍຄືແນວໃດຕໍ່ກັບກອງປະຊຸມຄັ້ງນີ້?

    ທ່ານນາງ ເມົານີງ ຕອບວ່າ: ກອງປະຊຸມຄັ້ງນີ້ແມ່ນກອງປະຊຸມຄັ້ງທຳອິດຫຼັງຈາກບຣິກສຮັບປະເທດສະມາຊິກໃໝ່, ປະຊາຄົມໂລກໄດ້ໃຫ້ຄວາມສົນໃຈຢ່າງກວ້າງຂວາງ. ນັບແຕ່ບຣິກສສ້າງຕັ້ງຂຶ້ນເປັນຕົ້ນມາ, ປະເທດບຣິກສໄດ້ຍຶດໝັ້ນຈິດໃຈເປີດປະຕູ, ກວມລວມ, ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ຍຶດໝັ້ນອຸດົມການໃນຫົວທີທີ່ສາມັກຄີ ແລະ ພັດທະນາຕົນເອງໃຫ້ເຂັ້ມແຂງ, ສຸມກຳລັງເຂົ້າໃນການປົກປັກຮັກສາລັດທິຫຼາຍຝ່າຍ, ກາຍເປັນກຳລັງທີ່ຕັ້ງໜ້າ, ໝັ້ນທ່ຽງ, ມີສິນທຳໃນວຽກງານສາກົນ.

    ໃນກອງປະຊຸມຄັ້ງນີ້, ທ່ານສີຈິ້ນຜິງຈະລົງເລິກແລກປ່ຽນຄວາມເຫັນກັບຜູ້ນຳບັນດາປະເທດກ່ຽວກັບສະພາບການສາກົນ, ການຮ່ວມມືທີ່ຕິດແທດຕົວຈິງຂອງບຣິກສ, ການພັດທະນາຂອງກົນໄກບຣິກສ ແລະບັນຫາສຳຄັນທີ່ມີຄວາມສົນໃຈຮ່ວມກັນ. ຈີນຍິນດີຮ່ວມກັບບັນດາຝ່າຍຊຸກຍູ້ໃຫ້ການຮ່ວມມືພາຍໃຕ້ຂອບບຣິກສໃຫຍ່ດຳເນີນໄປຢ່າງຍາວໄກ ແລະ ໝັ້ນທ່ຽງ, ເປີດປະຫວັດສາດໜ້າໃໝ່ແຫ່ງການສ້າງຕົນເອງໃຫ້ເຂັ້ມແຂງຂອງປະເທດເຂດໂລກໃຕ້, ຮ່ວມກັນຊຸກຍູ້ສັນຕິພາບ ແລະການພັດທະນາຂອງໂລກ.