ວັນທີ 18 ຕຸລານີ້, ການວາງສະແດງຮູບພາບ “ຈີນແລະກຳປູເຈຍງາມຮ່ວມກັນ” ໄດ້ຈັດຂຶ້ນຢູ່ນະຄອນຫຼວງພະນົມເປັນຂອງກຳປູເຈຍ. ຜູ້ຕາງໜ້າຈາກວົງການການເມືອງ, ສື່ມວນຊົນ, ຄັງປັນຍາແລະວົງການການຄ້າຂອງຈີນແລະກຳປູເຈຍໄດ້ເຂົ້າຮ່ວມກິດຈະກຳຄັ້ງນີ້.

ການວາງສະແດງຄັ້ງນີ້ໄດ້ເລືອກເອົາຮູບຖ່າຍທີ່ດີເດັ່ນ 66 ພາບເຊິ່ງໄດ້ສະແດງໃຫ້ເຫັນຄວາມສວຍງາມດ້ານທຳມະຊາດ, ຄວາມສວຍງາມດ້ານວັດທະນະທຳ, ຄວາມສວຍງາມດ້ານການພັດທະນາຂອງຈີນແລະກຳປູເຈຍ, ພ້ອມທັງໄດ້ສະແດງໃຫ້ເຫັນຈຸດເວລາທີ່ສຳຄັນແລະມູມລື້ມຍາກໃນການໄປມາຫາສູ່ກັນຢ່າງມີໄມຕີຈິດມິດຕະພາບລະຫວ່າງປະຊາຊົນສອງຊາດຈີນ-ກຳປູເຈຍຢ່າງຮອບດ້ານ. ກິດຈະກຳຄັ້ງທຳອິດຂອງການວາງສະແດງຮູບພາບດັ່ງກ່າວໄດ້ຈັດຂຶ້ນລະຫວ່າງແຕ່ວັນທີ 8 ຫາວັນທີ 14 ກັນຍາປີນີ້ຢູ່ແຂວງຊຽມລຽບຂອງກຳປູເຈຍ.