ວັນທີ 18 ຕຸລານີ້, ທ່ານ ໂອລັຟ ໂຊສ ນາຍົກລັດຖະມົນຕີເຢຍລະມັນກ່າວຢູ່ນະຄອນຫຼວງແບກແລນວ່າ: ເຢຍລະມັນຈະສືບຕໍ່ສະໜັບສະໜູນອູແກຣນ,ແຕ່ຕ້ອງຮັບປະກັນບໍ່ໃຫ້ນາໂຕກາຍເປັນຝ່າຍສູ້ຮົບ, ເພື່ອຫຼີກເວັ້ນບໍ່ໃຫ້ສ້າງຜົນຮ້າຍທີ່ໃຫຍ່ຫຼວງກວ່າເກົ່າ.

      ທ່ານ ໂອລັຟ ໂຊສ ໄດ້ພົບປະເຈລະຈາກັບທ່ານ ໂຈ ໄບເດັນ ປະທານາທິບໍດີອາເມຣິກາທີ່ໄປຢ້ຽມຢາມກ່ຽວກັບການປະທະກັນລະກວ່າງຣັດເຊຍ-ອູແກຣນ, ສະຖານະການຕາເວັນອອກກາງແລະອື່ນໆ. ທ່ານ ໂອລັຟ ໂຊສ ກ່າວໃນກອງປະຊຸມຖະແຫຼງຂ່າວວ່າ: ສິ່ງທີ່ຄວນເຮັດໃນປັດຈຸບັນແມ່ນຕ້ອງປ້ອງກັນບໍ່ໃຫ້ສະຖານະການຕາເວັນອອກກາງແລະການປະທະກັນຢູ່ໃນພາກພື້ນມີຄວາມຮ້າຍແຮງຂຶ້ນຕື່ມ.