ຕອນຮຸ່ງເຊົ້າວັນທີ 19 ຕຸລານີ້, ຫ້ອງການສື່ມວນຊົນຂອງຂະບວນການຕໍ່ຕ້ານອິດສະລາມປາແລັດສະຕິນ ຫຼື ກຸ່ມຮາມັດສ໌ ໄດ້ອອກຖະແຫຼງການວ່າ: ຕອນຄ່ຳວັນທີ 18 ຕຸລານີ້, ກອງທັບອິດສະລະແອນໄດ້ຖິ້ມລະເບີດໃສ່ເຮືອນປະຊາຊົນຫຼາຍແຫ່ງຂອງຄ້າຍອົບພະຍົບຈາບານຢາ ທາງພາກເໜືອເຂດກາຊາ, ພາໃຫ້ເສຍຊີວິດ 33 ຄົນເຊິ່ງລວມທັງແມ່ຍິງ 21 ຄົນ, ອີກ 85 ຄົນໄດ້ຮັບບາດເຈັບ.

     ຖະແຫຼງການກ່າວເນັ້ນວ່າ: ພາຍໃຕ້ການປົກປ້ອງຂອງອາເມຣິກາ ອັງກິດ ເຢຍລະມັນ ຝຣັ່ງ ແລະປະເທດອື່ນໆ, ອິດສະລະແອນຈຶ່ງສາມາດສືບຕໍ່ດຳເນີນການໂຈມຕີແບບນີ້.

     ກອງທັບອິດສະລະແອນຍັງບໍ່ທັນໃຫ້ຄຳຕອບກ່ຽວກັບເຫດການໂຈມຕີຄັ້ງນີ້ເທື່ອ.