ໂດຍຕອບສະໜອງຕາມຄຳເຊີນຂອງລັດຖະບານອິນໂດເນເຊຍ,ທ່ານຮານເຈີ້ງ ຮອງປະທານປະເທດຈີນ ໃນນາມເປັນຜູ້ຕາງໜ້າພິເສດຂອງທ່ານສີຈິ້ນຜິງ ປະທານປະເທດຈີນ ໄດ້ເດີນທາງໄປອິນໂດເນເຊຍເພື່ອເຂົ້າຮ່ວມພິທີຂຶ້ນຮັບຕຳແໜ່ງຂອງທ່ານພຣາໂບໂວ ຊູບີອັນໂຕ ປະທານາທິບໍດີອິນເດເນເຊຍຄົນໃໝ່ ພ້ອມທັງຢ້ຽມຢາມອິນໂດເນເຊຍ. ມື້ດຽວກັນ,ທ່ານຮານເຈີ້ງໄດ້ພົບປະກັບທ່ານໂຈໂກ ວິໂດໂດ ປະທານາທິບໍດີອິນໂດເນເຊຍຢູ່ນະຄອນຫຼວງຈາກາຕາ.

    ທ່ານຮານເຈີ້ງກ່າວວ່າ: ຈິນຍິນດີຮ່ວມກັບອິນໂດເນເຊຍ ສືບທອດການຮ່ວມມືມິດຕະພາບອັນເປັນມູນເຊື້ອທີ່ດີງາມລະຫວ່າງສອງປະເທດ,ລົງເລິກການປະສານງານຍຸດທະສາດຢ່າງຮອບດ້ານ, ຮ່ວມກັນສ້າງ“ໜຶ່ງແລວໜຶ່ງເສັ້ນທາງ”ຢ່າງມີຄຸນນະພາບສູງ ແລະ ດຳເນີນທຸລະກິດໂຄງການຮ່ວມມືສຳຄັນຕ່າງໆ ເຊັ່ນ: ທາງລົດໄຟຄວາມໄວສູງຈາກາຕາ-ບັນດຸງໃຫ້ດີ. ຈີນມີຄວາມຫວັງແລະ ເຊື່ອໝັ້ນວ່າ ທ່ານປະທານາທິບໍດີໂຈໂກຈະເອົາໃຈໃສ່ ແລະ ສະ

ໜັບສະໜູນການຂະຫຍາຍການພົວພັນລະຫວ່າງສອງປະເທດຄືແຕ່ເກົ່າເມືອຫຼັງ ພ້ອມທັງສືບຕໍ່ປະກອບສ່ວນເພື່ອສົ່ງເສີມໄມຕີຈິດມິດຕະພາບອັນເປັນມູນເຊື້ິອລະຫວ່າງສອງປະເທດ.

     ທ່ານໂຈໂກ ວິໂດໂດກ່າວວ່າ: ອິນໂດເນເຊຍເອົາໃຈໃສ່ຕໍ່ການຂະຫຍາຍການພົວພັນກັບຈີນໃນລະດັບສູງ,ເຊື່ອວ່າພາຍໃຕ້ການນຳພາຂອງລັດຖະບານຊຸດໃໝ່ຂອງອິນໂດເນເຊຍ, ການພົວພັນລະຫວ່າງສອງປະເທດຍ່ອມຈະກ້າວຂຶ້ນສູ່ລະດັບໃໝຢ່າງບໍ່ຢຸດຢັ້ງ.