ວັນທີ 20 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຂີຍເຖິງທ່ານ ປຣາໂບໂວ ຊູບຽນໂຕ, ເພື່ອສະແດງຄວາມຊົມເຊີຍຕໍ່ທ່ານທີ່ໄດ້ຮັບເລືອກຕັ້ງເປັນປະທານາທິບໍດີອິນໂດເນເຊຍ.

ເນື້ອໃນສານຊົມເຊີຍຂອງທ່ານສີຈິ້ນຜິງຊີ້ອອກວ່າ: ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ອິນໂດເນເຊຍໄດ້ຮັບການຍົກສູງຂຶ້ນຢ່າງຕໍ່ເນື່ອງແລະໝັ້ນທ່ຽງ, ໄດ້ກ້າວເຂົ້າສູ່ຍຸກໃໝ່ຂອງການຮ່ວມກັນສ້າງປະຊາຄົມຮ່ວມຊາຕາກຳ. ປີ 2025 ໜ້ານີ້ແມ່ນປີສ້າງຕັ້ງສາຍພົວພັນທາງການທູດລະຫວ່າງຈີນ-ອິນໂດເນເຊຍຄົບຮອບ 75 ປີ, ເຊິ່ງຈະສະໜອງໂອກາດໃໝ່ໃຫ້ແກ່ການຊຸກຍູ້ການຮ່ວມມືສອງຝ່າຍ. ຂ້າພະເຈົ້າຍິນດີຮັກສາການແລກປ່ຽນດ້ານຍຸດທະສາດຢ່າງແໜ້ນແຟ້ນກັບທ່ານປະທານາທິບໍດີ ປຣາໂບໂວ ຊູບຽນໂຕ, ຊີ້ນຳນຳພາໃຫ້ການສ້າງສາປະຊາຄົມຮ່ວມຊາຕາກຳຈີນ-ອິນໂດເນເຊຍກ້າວເຂົ້າຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ, ສ້າງໂສມໜ້າໃໝ່ທີ່ບຸກບືນກ້າວໜ້າໄປພ້ອມກັນ, ສາມັກຄີປະສານງານກັນແລະຕ່າງຝ່າຍຕ່າງໄດ້ຜົນປະໂຫຍດລະຫວ່າງປະເທດໃຫຍ່ທີ່ກຳລັງພັດທະນາ.