ໃນໂອກາດທີ່ກອງປະຊຸມສຸດຍອດບຣິກສປີ 2024 ຈະຈັດຂຶ້ນໃນໄວໆນີ້, ໂທລະພາບສາກົນຈີນຫຼື CGTN ທີ່ຂຶ້ນກັບວິທະຍຸໂທລະພາບສູນກາງຈີນຫຼື CMG ໄດ້ດຳເນີນການສຳຫຼວດຄວາມຄິດເຫັນຕໍ່ຊາວເນັດໃນທົ່ວໂລກໂດຍຜົນການສຳຫຼວດສະແດງໃຫ້ເຫັນວ່າ: ຜູ້ຕອບຄຳຖາມສ່ວນໃຫຍ່ຄອງຄອຍກົນໄກຮ່ວມມືປະເທດບຣິກສເພີ່ມພະລັງແຮງຫຼາຍກວ່າເກົ່າເຂົ້າໃນການຟື້ນຟູເສດຖະກິດໂລກທີ່ອ່ອນແອແລະສະພາບການບໍລິຫານໂລກທີ່ສັບສົນແລະຂ້ຽວຂາດ.

      ການສຳຫຼວດຄວາມຄິດເຫັນດັ່ງກ່າວໄດ້ຮັບການເປີດເຜີຍຕໍ່ພາຍນອກຜ່ານເວທີພາສາອັງກິດ,ພາສາແອັດສະປາຍ,ພາສາອາຣັບ,ພາສາຝຣັ່ງແລະພາສາຣັດເຊຍຂອງ CGTN ໂດຍມີຊາວເນັດຕ່າງປະເທດລວມທັງໝົດ 18.961 ຄົນເຂົ້າຮ່ວມຕອບຄຳຖາມແລະປະກອບຄຳຄິດເຫັນພາຍໃນເວລາ 24 ຊົ່ວໂມງ.