ວັນທີ 19 ຕຸລານີ້ ກຸ່ມບໍລິສັດລົດໄຟລາວ-ຈີນຈຳກັດແຈ້ງຂ່າວໃຫ້ຮູ້ວ່າ: ຫວ່າງມໍ່ໆມານີ້, ເນື່ອງຈາກບຸນອອກພັນສາແລະກະແສນິຍົມການທ່ອງທ່ຽວສາກົນ “ກາຍເປັນສອງກະແສສູງ” ໃນໄລຍະດຽວກັນ, ເຮັດໃຫ້ລົດໄຟຈີນ-ລາວໄດ້ຮັບຄວາມນິຍົມທີ່ສຸດຈາກນັກທ່ອງທ່ຽວ, ໃນວັນທີ 18 ຕຸລານີ້ໄດ້ຂົນສົ່ງຜູ້ໂດຍສານສາກົນ 1.273 ຄົນ, ເຊິ່ງໄດ້ສ້າງສະຖິຕິສູງສຸດອີກເທື່ອໃໝ່ນັບແຕ່ໄດ້ເປີດລົດໄຟຂະບວນຂົນສົ່ງຜູ້ໂດຍສານສາກົນຈີນ-ລາວເປັນຕົ້ນມາ.

ວັນທີ 17 ຕຸລານີ້, ປະເທດລາວໄດ້ຕ້ອນຮັບບຸນອອກພັນສາທີ່ຈັດຂຶ້ນປີລະເທື່ອ, ເຊິ່ງເປັນວັນບຸນທີ່ສຳຄັນຂອງປະເທດລາວ. ໃນໄລຍະບຸນອອກພັນສາ, ຢູ່ແຫ່ງຕ່າງໆຂອງລາວໄດ້ຈັດການແຂ່ງຂັນຊ່ວງເຮືອ, ງານຕະຫຼາດນັດ, ການສະແດງສີລະປະວັນນະຄະດີແລະກິດຈະກຳອື່ນໆເພື່ອສະເຫຼີມສະຫຼອງ.