ເນື່ອງໃນໂອກາດຈະຈັດກອງປະຊຸມສຸດຍອດບຣິກສປີ 2024, ກອງປະຊຸມເວທີເປິກສາຫາລືຄັງປັນຍາປະເທດເຂດໂລກໃຕ້ພາຍໃຕ້ຫົວຂໍ້ “ສັນຕິພາບ ການພັດທະນາ ຄວາມໝັ້ນຄົງ ເກາະແຂນກັນຮ່ວມກັນສ້າງໂລກຈະເລີນຮຸ່ງເຮືອງທີ່ມີຊາຕາກຳຮ່ວມກັນ” ທີ່ຄະນະພົວພັນຕ່າງປະເທດສູນກາງພັກຄອມມູນິດຈີນຮ່ວມກັບວິທະຍຸໂທລະພາບສູນກາງຈີນຫຼື CMG ເປັນເຈົ້າພາບໂດຍມີໂທລະພາບສາກົນຈີນຫຼື CGTN ທີ່ຂຶ້ນກັບ CMG ເປັນຜູ້ຮັບຜິດຊອບໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ. ທ່ານ ລີວຈ້ຽນຊ່າວ ຫົວໜ້າຄະນະພົວພັນຕ່າງປະເທດສູນກາງພັກຄອມມູນິດຈີນ, ທ່ານ ເຊີ້ນໄຫຊົງ ຮອງ ຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ, ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນຫຼື CMG ໄດ້ເຂົ້າຮ່ວມກອງປະຊຸມແລະກ່າວຄຳເຫັນຜ່ານທາງວິດີໂອ.

      ບຸກຄົນສຳຄັນທາງການເມືອງ,ຜູ້ຕາງໜ້າລັດຖະບານ,ນັກວິຊາການຈາກຄັງປັນຍາ,ຜູ້ຕາງໜ້າສື່ມວນຊົນແລະທ່ານອື່ນໆຈາກ 76 ປະເທດຢູ່ໃນໂລກໄດ້ເຂົ້າຮ່ວມເວທີເປິກສາຫາລືຄັ້ງນີ້ໂດຍຜ່ານທາງອອນລາຍແລະອັອຟລາຍ.ຄັງປັນຍາ “ເຂດໂລກໃຕ້” 40 ແຫ່ງໄດ້ຮ່ວມກັນປະກາດ “ຂໍ້ລິເລີ່ມກ່ຽວກັບການເກາະແຂນກັນຮ່ວມກັນສ້າງໂລກຈະເລີນຮຸ່ງເຮືອງທີ່ມີຊາຕາກຳຮ່ວມກັນລະຫວ່າງຄັງປັນຍາຂອງປະເທດເຂດໂລກໃຕ້”. ເນື້ອໃນເປິກສາຂອງບັນດາແຂກທີ່ຮັບເຊີນໄດ້ຮັບການຖ່າຍທອດຢູ່ຊ່ອງໂທລະພາບແລະສື່ສັງຄົມອອນລາຍຂອງ CGTN ທີ່ຂຶ້ນກັບ CMG ໂດຍຜ່ານຮູບແບບ “ລາຍການພິເສດຂອງເວທີເປິກສາຫາລືຄັງປັນຍາປະເທດເຂດໂລກໃຕ້” ແລະໄດ້ຮັບການຕອບຮັບຢ່າງຫຼວງຫຼາຍຈາກປະເທດເຂດໂລກໃຕ້.

      ໜັງສືພິມເຢີນມິນຢື້ປ້າວ,ຂ່າວສານຊິນຮວາແລະສື່ມວນຊົນທີ່ສຳຄັນພາຍໃນປະເທດຈີນໄດ້ພາກັນແຊຂໍ້ມູນແລະລາຍງານຂ່າວດັ່ງກ່າວ. ບໍລິສັດກະຈາຍສຽງແຫ່ງຊາດອາເມຣິກາຫຼື ABC, ໂທລະພາບອາຊີໃຫຍ່ຣັດເຊຍແລະສື່ມວນຊົນທີ່ສຳຄັນຕ່າງປະເທດທັງໝົດ 1.215 ແຫ່ງໄດ້ລົງບົດຄວາມກ່ຽວກັບເວທີເປິກສາຫາລືເປັນ 1.370 ເທື່ອ, ຈຳນວນຜູ້ໃຊ້ອິນເຕີເນັດທີ່ກົດເຂົ້າເບິ່ງການລາຍງານດັ່ງກ່າວຢູ່ໃນໂລກກວມເອົາຫຼາຍກວ່າ 39,85 ລ້ານເທື່ອຄົນ.