ໃນໄລຍະກອງປະຊຸມສຸດຍອດຂອງເວທີເປິກສາຫາລືການຮ່ວມມືຈີນ-ອາຟຣິກາທີ່ຈັດຂຶ້ນຢູ່ນະຄອນຫຼວງປັກກິ່ງປະເທດຈີນ, ທ່ານເດນິສຊາຊູ-ເອນກູໂຊ ປະທານາທິບໍດີສາທາລະນະລັດກົງໂກໄດ້ໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນຫຼື CMG. ທ່ານຊາຊູ ກ່າວວ່າ: ຖ້າວ່າໂຄງການກໍ່ສ້າງພື້ນຖານໂຄງລ່າງທັງໝົດພາຍໃຕ້ຂໍ້ລິເລີ່ມຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ສາມາດປະຕິບັດຕົວຈິງໄດ້ຢ່າງສະດວກ, ຈະເຮັດໃຫ້ການກໍ່ສ້າງເຂດການຄ້າເສລີຂອງແຜ່ນດິນໃຫຍ່ອາຟຣິກາກ້າວຂຶ້ນສູ່ລະດັບໃໝ່ຢ່າງແນ່ນອນ. ຍ້ອນວ່າອາຟຣິກາໄດ້ກ້າວເຂົ້າສູ່ຂະບວນການສ້າງເຂດການຄ້າເສລີອາຟຣິກາແລ້ວ, ການກະທຳດັ່ງກ່າວແມ່ນໝາຍຄວາມວ່າການໄປມາຫາສູ່ກັນດ້ານເສດຖະກິດການຄ້າລະຫວ່າງປະເທດອາຟຣິກາ ແລະ ປະເທດອາຟຣິກາກັບປະເທດຕ່າງໆຢູ່ໃນໂລກຈະກ້າວເຂົ້າສູ່ໄລຍະໃໝ່ທີ່ມີເສລີພາບຢ່າງຮອບດ້ານ ແລະ ບໍ່ມີກຳແພງການຄ້າກີດຂວາງ. ພວກເຮົາມີຄວາມໝັ້ນໃຈຕໍ່ພາບອະນາຄົດດັ່ງກ່າວຢ່າງເດັດດ່ຽວ. ຖ້າເຂດການຄ້າເສລີອາຟຣິກາຢາກບັນລຸຜົນເປັນຈິງ, ແມ່ນປັດສະຈາກເຄືອຂ່າຍຄົມມະນາຄົມທີ່ສະດວກ, ການສື່ສານໂທລະຄົມທີ່ວ່ອງໄວ ແລະເຄືອຂ່າຍໄຟຟ້າທີ່ທົ່ວເຖິງບໍ່ໄດ້.