ພົນເຮືອຈັດຕະວາຫຼີຊີ່ ໂຄສົກເຂດທະຫານພາກຕາເວັນອອກຂອງຈີນກ່າວວ່າ: ວັນທີ 20 ຕຸລານີ້, ກຳປັ່ນຂັບໄລ່ “ຮິກກິນສ”ຂອງອາເມຣິກາ、ກຳປັ່ນປ້ອງກັນ “ແວນຄູເວີ” ຂອງການາດາໄດ້ເດີນເຮືອຜ່ານຊ່ອງແຄບໄຕ້ຫວັນແລະໄດ້ໂຄສະນາເລື່ອງນີ້ເກີນຄວາມເປັນຈິງຢ່າງເປີດແປນ.

ເຂດທະຫານພາກຕາເວັນອອກກອງທັບປົດປ່ອຍປະຊາຊົນຈີນໄດ້ຈັດຕັ້ງກຳລັງທະຫານເຮືອແລະທະຫານອາກາດເພື່ອຕິດຕາມສອດແນມຢູ່ຕະຫຼອດເວລາພ້ອມທັງໄດ້ນຳໃຊ້ມາດຕະການຄວບຄຸມໂດຍອີງຕາມກົດໝາຍຕໍ່ການເຄື່ອນໄຫວການເດີນເຮືອຂອງກຳປັ່ນຮົບອາເມຣິກາແລະການາດາຄັ້ງນີ້. ການກະທຳຂອງອາເມຣິກາແລະການາດາໄດ້ສ້າງຄວາມວຸ້ນວາຍ, ທຳລາຍສັນຕິພາບແລະສະຖຽນລະພາບຢູ່ຊ່ອງແຄບໄຕ້ຫວັນ. ກອງທັບຂອງເຂດທະຫານພາກຕາເວັນອອກໄດ້ຮັກສາສະຕິລະວັງຕົວໃນລະດັບສູງຢູ່ທຸກເວລາ, ເດັດດ່ຽວປົກປັກຮັກສາອະທິປະໄຕຂອງຊາດແລະສັນຕິພາບສະຖຽນລະພາບຂອງພາກພື້ນ.