ວັນທີ 21 ຕຸລານີ້, ໂດຍຕອບສະໜອງຕາມການນັດໝາຍ, ທ່ານຫວາງຢີ້ ກຳມະການກົມການເມືອງສູນກາງພັກກອມມູນິດຈີນ, ຫົວໜ້າຫ້ອງວ່າການຄະນະກຳມະການວຽກງານການຕ່າງປະເທດສູນກາງພັກໄດ້ໂອ້ລົມໂທລະສັບກັບທ່ານຕາເຄໂອ ອາຣີບາ ຜູ້ຮັບຜິດຊອບຝ່າຍຍີ່ປຸ່ນຂອງການສົນທະນາການເມືອງລະດັບສູງລະຫວ່າງຈີນ-ຍີປຸ່ນ, ຫົວໜ້າກົມປ້ອງກັນຄວາມສະຫງົບແຫ່ງຊາດຍີ່ປຸ່ນ.

ທ່ານຫວາງຢີ້ກ່າວເນັ້ນວ່າ: ຈີນຍິນດີສືບຕໍ່ຊຸກຍູ້ໃຫ້ການພົວພັນລະຫວ່າງຈີນ-ຍີ່ປຸ່ນໄດ້ຮັບການພັດທະນາຢ່າງປອດໃສແລະໝັ້ນທ່ຽງ. ຫວັງວ່າຍີ່ປຸ່ນຈະເດີນຕາມທິດທາງດຽວກັນກັບຈີນ, ຍຶດໝັ້ນການກຳນົດຖານະທີ່ຈີນກັບຍີ່ປຸ່ນເປັນຄູ່່ຮ່ວມມືກັນແລະບໍ່ເປັນໄພຂົ່ມຂູ່ກັນ, ຍຶດໝັ້ນສະໜັບສະໜູນການພັດທະນາໂດຍສັນຕິຂອງກັນແລະກັນ, ປົກປັກຮັກສາແລະປັບປຸງພື້ນຖານການເມືອງດ້ານການພົວພັນສອງຝ່າຍ, ທຸ້ມເທພະລັງຊີວິດໃໝ່ເຂົ້າໃນການຮ່ວມມືແຕ່ລະຂົງເຂດລະຫວ່າງສອງປະເທດ.

ທ່ານຕາເຄໂອ ອາຄີບາກ່າວວ່າ: ຍີ່ປຸ່ນຍິນດີຮ່ວມກັບຈີນ, ເອົາໃຈໃສ່ຕໍ່ພາກສ່ວນໃຫຍ່ດ້ານການພັດທະນາການພົວພັນລະຫວ່າງສອງປະເທດ, ປົກປັກຮັກສາທ່ວງທ່າການພັດທະນາການພົວພັນສອງຝ່າຍໃນປັດຈຸບັນນີ້, ດຳເນີນການສົນທະນາທີ່ມີລັກສະນະເປັນທິດຊີ້ນຳແລະລັກສະນະຍຸດທະສາດ, ສົ່ງສັນຍານຢ່າງຕັ້ງໜ້າຫຼາຍກວ່າເກົ່າໃຫ້ແກ່ທົ່ວໂລກ.