ວັນທີ 21 ຕຸລານີ້, ລັດຖະບານອາເມຣິກາປະກາດວ່າຈະສະໜອງການຊ່ວຍເຫຼືອດ້ານການທະຫານທີ່ມີມູນຄ່າ 400 ລ້ານໂດລາໃຫ້ແກ່ອູແກຣນຕື່ມອີກ. ທ່ານລອຍດ໌ ອອສຕິນ ລັດຖະມົນຕີກະຊວງປ້ອງກັນປະເທດອາເມຣິກາທີ່ກຳລັງຢ້ຽມຢາມອູແກຣນກ່າວວ່າ: ອາເມຣິກາຈະສືບຕໍ່ສະໜັບສະໜູນອູແກຣນຢ່າງໝັ້ນໜຽວບໍ່ປ່ຽນແປງ.

     ອີງຕາມບັນຊີອາວຸດຊ່ວຍເຫຼືອອູແກຣນທີ່ກະຊວງປ້ອງກັນປະເທດອາເມຣິກາປະກາດໃນມື້ດຽວກັນ, ການຊ່ວຍເຫຼືອດ້ານການທະຫານໃນຄັ້ງນີ້ລວມທັງລູກລະເບີດສຳລັບລະບົບຈະຫຼວດຫຼາຍລຳກ້ອງ HIMARS, ປືນໃຫຍ່ແລະລະເບີດ, ລົດຫຸ້ມເກາະ ພ້ອມທັງອາວຸດຕໍ່ຕ້ານລົດຕັງ ແລະອື່ນໆ. ທຶນຊ່ວຍເຫຼືອອູແກຣນກ້ອນນີ້ແມ່ນທ່ານໂຈ ໄບເດັນນຳໃຊ້ສິດບໍລິຫານຂອງປະທານາທິບໍດີອະນຸມັດໂດຍກົງ, ອາວຸດທີ່ກ່ຽວຂ້ອງຈະຂົນຍ້າຍອອກຈາກສາງອາວຸດຂອງກະຊວງປ້ອງກັນປະເທດອາເມຣິກາ.