ຕອນເຊົ້າວັນທີ 23 ຕຸລານີ້, ກອງປະຊຸມສຸດຍອດບຣິກສຄັ້ງທີ 16 ໄດ້ໄຂຂຶ້ນຢູ່ສູນປະຊຸມແລະວາງສະແດງຄາຊານຂອງຣັດເຊຍ. ທ່ານວະລາດີເມຍ ປູຕິນ ປະທານາທິບໍດີຣັດເຊຍເປັນປະທານກອງປະຊຸມ. ທ່ານສີຈິ້ນຜິງ ປະທານປະເທດຈີນ ແລະຜູ້ນຳປະເທດອື່ນໆໄດ້ເຂົ້າຮ່ວມ.

     ທ່ານສີຈິ້ນຜິງຊີ້ໃຫ້ເຫັນວ່າ: ການຂະຫຍາຍສະມາຊິກແມ່ນຫຼັກໝາຍປະຫວັດສາດທີ່ສຳຄັນໃນການພັດທະນາຂອງບຣິກສ, ຍັງແມ່ນເຫດການທີ່ເປັນຂີດໝາຍໃນການປ່ຽນແປງຂອງສະພາບການສາກົນ. ບັນດາປະເທດສະມາຊິກບຣິກສເຕົ້າໂຮມກັນ, ແມ່ນຢູ່ບົນພື້ນຖານການສະແຫວງຫາຮ່ວມກັນ, ແມ່ນສອດຄ່ອງກັບທ່ວງທ່າໃຫຍ່ແຫ່ງສັນຕິພາບ ແລະການພັດທະນາຂອງໂລກ. ບັນດາປະເທດສະມາຊິກບຣິກສຕ້ອງໂຮມສູນຄຸນຄ່າຮ່ວມຂອງບຣິກສຕື່ມອີກ, ສ້າງບຣິກສໃຫ້ກາຍເປັນຊ່ອງທາງຕົ້ນຕໍແຫ່ງການຊຸກຍູ້ຄວາມສາມັກຄີ ແລະການຮ່ວມມືລະຫວ່າງປະເທດເຂດໂລກໃຕ້ ແລະເປັນກຳລັງນຳໜ້າແຫ່ງການຊຸກຍູ້ການປະຕິຮູບດ້ານການບໍລິຫານສາກົນ.

     ທ່ານສີຈິ້ນຜິງຍັງໄດ້ປະກອບຄວາມເຫັນທີ່ສຳຄັນກ່ຽວກັບການພັດທະນາຂອງບຣິກສໃນອະນາຄົດ ໂດຍກ່າວເນັ້ນວ່າ: ຕ້ອງສ້າງບຣິກສສັນຕິພາບ ບຣິກສປະດິດສ້າງ ບຣິກສສີຂຽວ ບຣິກສຍຸຕິທຳ ແລະບຣິກສວັດທະນະທຳ.