ວັນທີ 26 ຕຸລານີ້, ກົມໃຫຍ່ເສນາທິການກອງທັບອີຣານໄດ້ອອກຖະແຫຼງການຕໍ່ການເຄື່ອນໄຫວທາງທະຫານຂອງອິດສະຣາແອນ ໂດຍຊີ້ອອກວ່າ: ອິດສະຣາແອນໄດ້ນຳໃຊ້ນ່ານຟ້າຖານທັບອາເມຣິກາປະຈຳອີຣັກ ດຳເນີນການເຄື່ອນໄຫວທາງທະຫານຕໍ່ອີຣານຢູ່ບ່ອນທີ່ໄກຈາກຊາຍແດນອີຣານ 100 ກິໂລແມັດ ເຊິ່ງໄດ້ລະເມີດກົດໝາຍສາກົນຢ່າງໜັກໜ່ວງ.

ຖະແຫຼງການລະບຸວ່າ: ອີຣານຈະສະຫງວນສິດເປັນທຳທີ່ຈະທຳການຕອບໂຕ້ຢ່າງຖືກຕ້ອງຕາມກົດໝາຍໃນເວລາທີ່ເໝາະສົມ ແລະກ່າວເນັ້ນໜັກວ່າ: ຄວນບັນລຸການຢຸດຍິງຖາວອນຢູ່ເຂດກາຊາ ແລະ ລີບັງໃນທັນທີ ເພື່ອຫຼີກເວັ້ນບໍ່ໃຫ້ອິດສະຣາແອນສັງຫານປະຊາຊົນຜູ້ບໍລິສຸດ.