ປຶ້ມ “ຮິບໂຮມທັດສະນະຂອງທ່ານສີຈິ້ນຜິງວ່າດ້ວຍຈີນທີ່ມີສຸຂະພາບດີ” ເຊິ່ງຮຽບຮຽງໂດຍສະຖາບັນຄົ້ນຄວ້າປະຫວັດສາດພັກແລະບົດນິພົນຂອງສູນກາງພັກຄອມມູນິດຈີນ ແລະ ຈັດພິມໂດຍສຳນັກພິມບົດນິພົນສູນກາງພັກໄດ້ເລີ່ມຈຳໜ່າຍຢູ່ທົ່ວປະເທດຈີນເມື່ອມໍ່ໆມານີ້.

ສຸຂະພາບຂອງປະຊາຊົນເປັນສັນຍາລັກທີ່ສຳຄັນຂອງຄວາມທັນສະໄໝສັງຄົມນິຍົມ. ສະຫາຍ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນໄດ້ມີທັດສະນະສຳຄັນຕ່າງໆໂດຍປິ່ນອ້ອມການສ້າງສາຈີນທີ່ມີສຸຂະພາບດີ ເຊິ່ງມີຄວາມໝາຍສຳຄັນທີ່ສຸດຕໍ່ການຊຸກຍູ້ການພັດທະນາວຽກງານສາທາລະນະສຸກ ແລະ ສຸຂະພາບຂອງຈີນໃນຍຸກໃໝ່, ໄດ້ສ້າງພື້ນຖານອັນໝັ້ນແກ່ນໃນດ້ານສຸຂະພາບໃຫ້ແກ່ການຊຸກຍູ້ການສ້າງສາປະເທດເຂັ້ມແຂງ ແລະ ພາລະກິດອັນຍິ່ງໃຫຍ່ແຫ່ງການຟື້ນຟູຄວາມຈະເລີນຮຸ່ງເຮືອງຂອງປະຊາຊາດດ້ວຍຄວາມທັນສະໄໝແບບຈີນຢ່າງຮອບດ້ານ.

ປຶ້ມເຫຼັ້ມນີ້ປະກອບມີ10ຫົວຂໍ້ສະເພາະ ລວມທັງໝົດ 292 ຕອນ ເຊິ່ງໄດ້ຄັດຈາກບົດນິພົນສຳຄັນຈຳນວນ140ກວ່າບົດ ຂອງສະຫາຍ ສີຈິ້ນຜິງ ເຊິ່ງລວມທັງ ບົດລາຍງານ, ບົດປາໄສ, ບົດໂອ້ລົມ, ຄຳເຫັນ, ຈົດໝາຍ, ຄຳຊີ້ນຳ ແລະອື່ນໆຂອງເພິ່ນໃນລະຫວ່າງເດືອນພະຈິກປີ2012ຫາເດືອນກັນຍາປີ2024.