ວັນທີ 28 ຕຸລານີ້, ກົມການເມືອງສູນກາງພັກຄອມມູນິດຈີນໄດ້ຈັດກອງປະຊຸມ, ພິຈາລະນາ “ບົດລາຍງານສັງລວມກ່ຽວກັບສະພາບການສັນຈອນກວດກາຮອບທີ 3 ຂອງສູນກາງພັກຄອມມູນິດຈີນສະໄໝທີ 20”. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນເປັນປະທານກອງປະຊຸມ.

ກອງປະຊຸມໄດ້ເນັ້ນໜັກວ່າ: ຄະນະພັກທຸກຂັ້ນຕ້ອງຕັ້ງໃຈປະຕິບັດແຜນການກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20, ເພີ່ມທະວີສະຕິລະວັງຕົວ, ເພີ່ມທະວີການກໍ່ສ້າງຄະນະນຳທຸກຂັ້ນ, ປະຕິບັດລະບອບລວມສູນປະຊາທິປະໄຕຢ່າງເຂັ້ມງວດ, ປະຕິບັດການຕໍ່ສູ້ຕ້ານການສໍ້ລາດບັງຫຼວງຈົນເຖິງທີ່ສຸດດ້ວຍຈິດໃຈປະຕິວັດໂດຍຕົນເອງຢ່າງເຖິງຖອງ, ຊຸກຍູ້ການປ້ອງກັນ ແລະແກ້ໄຂບັນຫາການສໍ້ລາດບັງຫຼວງຫັນເປັນແບບປົກປະຕິ ແລະມີປະສິດທິຜົນຍາວນານ.