ຫວ່າງມໍ່ໆມານີ້, ຈີນໄດ້ເຜີຍແຜ່ “ບົດລາຍງານກ່ຽວກັບການພັດທະນາອຸດສາຫະກຳກິລາກາງແຈ້ງຂອງຈີນປີ 2023-2024” ໂດຍສະແດງໃຫ້ເຫັນວ່າ: ອຸດສາຫະກຳກິລາກາງແຈ້ງພວມກາຍເປັນກຳລັງແຮງອັນສຳຄັນໃນການຊຸກຍູ້ການພັດທະນາອຸດສາຫະກຳກິລາຂອງຈີນ.

ອີງຕາມເນື້ອໃນຂໍ້ມູນຂອງບົດລາຍງານສະດັບດັ່ງກ່າວສະແດງໃຫ້ເຫັນວ່າ: ເມື່ອທຽບໃສ່ປີ 2019, ໃບສັ່ງຈອງກ່ຽວກັບກິລາກາງແຈ້ງຜ່ານທາງອິນເຕີເນັດໃນປີ 2023 ໄດ້ເພີ່ມຂຶ້ນ 14,99%, ຕົວເລກນີ້ໃນໄລຍະ 6 ເດືອນຕົ້ນປີ 2024 ໄດ້ເພີ່ມຂຶ້ນ 59,78% ເມື່ອທຽບໃສ່ໄລຍະດຽວກັນຂອງປີກາຍ. ເມື່ອເບິ່ງຈາກກຸ່ມທີ່ນິຍົມຊົມຊອບກິລາກາງແຈ້ງແລ້ວຈະເຫັນວ່າ: ຜູ້ຄົນທີ່ເກີດຫຼັງຈາກປີ 1980 ແລະ ປີ 1990 ແມ່ນຜູ້ຫຼິ້ນຕົ້ນຕໍຂອງກິລາກາງແຈ້ງ, ຜູ້ມັກຫຼິ້ນກິລາປະເພດນີ້ມີການໃຊ້ຈ່າຍໃນລາຍການກິລາປະເພດດຽວເຖິງ 2,000-5,000 ຢວນຕໍ່ປີ. ດັ່ງນັ້ນ, ກິລາກາງແຈ້ງ ເຊັ່ນ: ກິລານ້ຳກ້ອນແລະຫິມະ, ການແລ່ນ, ປີນຜາ, ການຍ່າງອອກກຳລັງກາຍ, ກິລາທາງນ້ຳ ແລະ ການຂີ່ລົດຖີບເປັນຕົ້ນ ໄດ້ພັດທະນາ ແລະ ຂະຫຍາຍອອກຢ່າງກວ້າງຂວາງແລະວ່ອງໄວ.