ອີງຕາມຕົວເລກຂໍ້ມູນຈາກຫ້ອງທົດລອງວິເຄາະຂໍ້ມູນການເລືອກຕັ້ງຂອງມະຫາວິທະຍາໄລຟລຣິດາແຈ້ງໃຫ້ຮູ້ວ່າ: ນັບມາຮອດຕອນບ່າຍວັນທີ 27 ຕຸລານີ້, ທົ່ວປະເທດອາເມຣິກາມີຜູ້ມີສິດເລືອກຕັ້ງຫຼາຍກວ່າ 41 ລ້ານຄົນໄດ້ປ່ອນບັດລ່ວງໜ້າເພື່ອເລືອກຕັ້ງປະທານາທິບໍດີ ເຊິ່ງຕົວເລກຂໍ້ມູນດັ່ງກ່າວສະແດງໃຫ້ເຫັນວ່າ: ຈຳນວນການປ່ອນບັດຜ່ານທາງໄປສະນີ ກັບ ການປ່ອນບັດດ້ວຍຕົນເອງ ຕ່າງໄດ້ກວມເອົາ 50%, ປັດຈຸບັນ, ໃນທົ່ວປະເທດອາເມຣິກາໄດ້ສົ່ງບັດເລືອກຕັ້ງເກືອບ 21 ລ້ານບັດຜ່ານທາງໄປສະນີ ແລະ ຢູ່ໜ່ວຍປ່ອນບັດມີປະມານ 20 ລ້ານ 5 ແສນບັດແມ່ນຜູ້ມີສິດປ່ອນບັດດ້ວຍຕົນເອງ.

ນອກນີ້, ທຳນຽບປະທານາທິບໍດີອາເມຣິກາໄດ້ຢືນຢັນໃນວັນທີ 27 ຕຸລານີ້ວ່າ: ວັນທີ 28 ຕຸລານີ້, ທ່ານໂຈ ໄບເດັນ ປະທານາທິບໍດີອາເມຣິກາໄດ້ປ່ອນບັດລ່ວງໜ້າເພື່ອເລືອກຕັ້ງປະທານາທິບໍດີຄົນໃໝ່.