ວັນທີ 29 ຕຸລານີ້, ກອງປະຊຸມເວທີເປິກສາຫາລືການຮ່ວມມືດ້ານສິ່ງແວດລ້ອມຈີນ-ອາຊຽນ 2024 ໄດ້ຈັດຂຶ້ນຢູ່ນະຄອນຫຼິ້ວໂຈ່ວເຂດປົກຄອງຕົນເອງເຜົ່າຈ້ວງກວາງຊີຂອງຈີນ.

ກອງປະຊຸມຄັ້ງນີ້ຈັດຂຶ້ນພາຍໃຕ້ຫົວຂໍ້ຫຼັກ “ການສ້າງການພົວພັນຄູ່ຮ່ວມມືດ້ານການສ້າງຄວາມສາມາດໃນພາກພື້ນ” ໂດຍມີເຈົ້າໜ້າທີ່ ແລະ ຜູ້ຕາງໜ້າພາກສ່ວນສິ່ງແວດລ້ອມຂອງປະເທດສະມາຊິກອາຊຽນປະຈຳຈີນ ແລະ ຜູ້ຕາງໜ້າພາກສ່ວນສິ່ງແວດລ້ອມທຳມະຊາດຂັ້ນທ້ອງຖິ່ນຂອງຈີນ, ອົງການຈັດຕັ້ງສາກົນ, ສະຖາບັນຄົ້ນຄວ້າ ແລະ ວິສາຫະກິດເກືອບ 300 ຄົນເຂົ້າຮ່ວມ.

ທ່ານວົງປາໂນ ສີປະເສີດ ກົງສຸນໃຫຍ່ລາວປະຈຳນານນິງໄດ້ມີຄຳເຫັນວ່າ: ລາວກັບຈີນມີການຮ່ວມມືຢ່າງໃກ້ຊິດໃນດ້ານການຄຸ້ມຄອງສິ່ງແວດລ້ອມ, ການຟື້ນຟູດິນ ແລະ ການລະບາຍກາກບອນຕ່ຳ ເຊິ່ງໄດ້ສະແດງໃຫ້ເຫັນເຖິງຄຳໝັ້ນສັນຍາຂອງສອງປະເທດໃນການຮັບມືກັບສິ່ງທ້າທາຍດ້ານສິ່ງແວດລ້ອມ ແລະ ການຫັນເປັນທະເລຊາຍ, ຊຸກຍູ້ການພັດທະນາຕາມທິດສີຂຽວ ແລະ ຍືນຍົງ.