ວັນທີ 31 ຕຸລານີ້, ກົມໃຫຍ່ເສນາທິການຮ່ວມສ ເກົາຫຼີແຈ້ງໃຫ້ຮູ້ວ່າ: ເວລາປະມານ7ໂມງ 10 ນາທີຂອງມື້ດຽວກັນ, ເຈົ້າໜ້າທີ່ທະຫານສ ເກົາຫຼີໄດ້ພົບວ່າ ສປປເກົາຫຼີໄດ້ຍິງລູກສອນໄຟນຳວິຖີຈາກນະຄອນຫຼວງພຽງຢາງໄປສູ່ເຂດທະເລພາກຕາເວັນອອກຂອງແຫຼມເກົາຫຼີ. ຕາມການຄາດຄະເນວ່າ ລູກສອນໄຟດັ່ງກ່າວເປັນລູກສອນໄຟນຳວິຖີຂ້າມທະວີບທີ່ຍິງຈາກມູມສູງ.

ວັນທີ 31 ຕຸລານີ້, ກະຊວງປ້ອງກັນປະເທດຍີ່ປຸ່ນໄດ້ຢືນຢັນເຊັ່ນດຽວກັນວ່າ: ສປປເກົາຫຼີໄດ້ຍິງສິ່ງທີ່ສົງໄສເປັນລູກສອນໄຟນຳວິຖີ, ຄາດວ່າ ລູກສອນໄຟດັ່ງກ່າວຈະຕົກລົງໃນເວລາປະມານ 8 ໂມງ 36 ນາທີ ຂອງມື້ດຽວກັນ ຕາມເວລາຍີ່ປຸ່ນ. ອີງຕາມທ່ານ ນາກາຕານິ ເກນ ລັດຖະມົນຕີກະຊວງປ້ອງກັນປະເທດຍີ່ປຸ່ນອ້າງວ່າ, ກະຊວງປ້ອງກັນປະເທດຕົນໄດ້ພົບວ່າ ສິ່ງທີ່ສປປ ເກົາຫຼີຍິງນັ້ນແມ່ນລູກສອນໄຟນຳວິຖີຂ້າມທະວີບ. ສ່ວນສປປ ເກົາຫຼີຍິງລູກສອນໄຟນຳວິຖີຂ້າມທະວີບຄັ້ງຜ່ານມາແມ່ນເກີດຂຶ້ນໃນເດືອນທັນວາປີ2023ຜ່ານມາ.