ໃນກອງປະຊຸມຖະແຫຼງຂ່າວຂອງກະຊວງປ້ອງກັນປະເທດຈີນທີ່ຈັດຂຶ້ນເມື່ອຕອນບ່າຍວັນທີ 31 ຕຸລາແລ້ວນີ້, ພັນເອກພິເສດຈ່າງສຽວກ່າງ ໂຄສົກກະຊວງປ້ອງກັນປະເທດຈີນໄດ້ຕອບຄຳຖາມນັກຂ່າວກ່ຽວກັບອາເມຣິກາປະເມີນວ່າ ກຳລັງສູ້ຮົບດ້ານນີວເຄລຍຂອງຈີນໄດ້ເພີ່ມທະວີຂຶ້ນ.

ພັນເອກພິເສດຈ່າງສຽວກ່າງກ່າວວ່າ: ຕໍ່ບັນຫານີວເຄລຍ, ເວລາໃດອາເມຣິກາກໍໄດ້ໃຊ້ສອງມາດຕະຖານ. ອາເມຣິກາມີສາງອາວຸດນີວເຄລຍໃຫຍ່ທີ່ສຸດຢູ່ໃນໂລກ ໂດຍປະຕິບັດນະໂຍບາຍນຳໃຊ້ອາວຸດນີວເຄລຍກ່ອນໝູ່, ຂົ່ມຂູ່ແລະນາບຂູ່ປະເທດອື່ນດ້ວຍອາວຸດນີວເຄລຍ, ຍັດຳເນີນການແຜ່ຜາຍອາວຸດນີວເຄລຍທີ່ເປັນອັນຕະລາຍຕາມລຳພັງໃຈ, ເຊິ່ງໄດ້ກະທົບເຖິງຄວາມໝັ້ນຄົງ ແລະ ສະຖຽນລະພາບດ້ານຍຸດທະສາດຂອງໂລກຢ່າງໜັກໜ່ວງ. ອາເມຣິກາເສກສັນປັ້ນແຕ່ງ ແລະ ເຜີຍແຜ່ຖ້ອຍຄຳທີ່ບໍ່ມີມູນຄວາມຈິງວ່າ “ໄພຂົ່ມຂູ່ດ້ານນີວເຄລຍຈາກຈີນ”, ພວກເຂົາເຮັດແນວນີ້ພຽງແຕ່ເພື່ອປິດບັງເຈຕະນາຊົ່ວຮ້າຍຂອງຕົນໃນການຮັກສາຖານະເຈົ້າອຳນາດຂອງໂລກດ້ວຍອາວຸດນີວເຄລຍເທົ່ານັ້ນ. ສິ່ງທີ່ອາເມຣິກາຄວນເຮັດນັ້ນບໍ່ແມ່ນຕຳໜິວິຈານປະເທດອື່ນຢ່າງບໍ່ມີເຫດຜົນ, ແຕ່ຫາກແມ່ນຄວນສຳຫຼວດຕົນເອງຄືນໃໝ່, ແກ້ໄຂຄວາມຜິດພາດ, ປະຕິບັດໜ້າທີ່ພິເສດແລະເປັນບຸລິມະສິດໃນການຫຼຸດກຳລັງອາວຸດນີວເຄລຍຢ່າງແທ້ຈິງ, ໃຊ້ການກະທຳຕົວຈິງໃນສິ່ງທີ່ຫຼຸດຜ່ອນຄວາມສ່ຽງດ້ານຄວາມໝົ້ນຄົງທາງຍຸດທະສາດຂອງໂລກ.