ຕອນຄ່ຳວັນທີ 1 ພະຈິກນີ້, ຕາມຂ່າວແຈ້ງໃຫ້ຮູ້ວ່າ: ກຸ່ມຮາມາສ ໄດ້ປະຕິເສດຂໍ້ສະເໜີກ່ຽວກັບການຢຸດຍິງຊົ່ວຄາວ ແລະ ການແລກປ່ຽນຕົວປະກັນຈຳນວນໜຶ່ງ ໂດຍອ້າງວ່າ ຂໍ້ສະເໜີນີ້ບໍ່ໄດ້ເວົ້າເຖິງການໃຫ້ອິດສະຣາແອນຢຸດຍິງ ແລະ ຖອນທະຫານອອກຈາກເຂດກາຊາທັງໝົດ.

ທ່ານໂອຊາມາ ຮາມດານ ເຈົ້າໜ້າທີ່ລະດັບສູງຂອງກຸ່ມຮາມາສຢືນຢັນວ່າ: ການເປິກສາຫາລືກ່ຽວກັບການຢຸດຍິງຊົ່ວຄາວ ແລະ ການແລກປ່ຽນຕົວປະກັນຈຳນວນໜຶ່ງແມ່ນບໍ່ສົມເຫດສົມຜົນ, ຮາມາສຢາກໃຫ້ອິດສະຣາແອນຢຸດຍິງຢ່າງເຖິງຖອງ, ຍຸດຕິການຮຸກຮານຕໍ່ປະຊາຊົນປາແລັດສະຕິນ ແລະ ຖອນທະຫານອອກຈາກເຂດກາຊາທັງໝົດ.