ກອງປະຊຸມແລກປ່ຽນບຸກຄະລາກອນສາກົນຈີນຄັ້ງທີ 22 ໄດ້ຈັດຂຶ້ນຢູ່ນະຄອນຊຽງໄຮຂອງຈີນໃນວັນທີ 2 ພະຈິກນີ້, ທ່ານນາງ ເຊີ້ນຢີຊິນ ທີ່ເປິກສາແຫ່ງລັດຈີນໄດ້ເຂົ້າຮ່ວມພິທີໄຂແລະກ່າວຄຳປາໄສໃນກອງປະຊຸມ ໂດຍກ່າວເນັ້ນໜັກວ່າ: ຕ້ອງລົງເລິກເຊື່ອມຊືມແລະຜັນຂະຫຍາຍຈິດໃຈຊີ້ນຳອັນສຳຄັນຂອງທ່ານເລຂາທິການໃຫຍ່ ສີຈິ້ນຜິງ, ຈັດຕັ້ງປະຕິບັດແຜນການຈັດວາງຂອງກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20, ປະຕິບັດນະໂຍບາຍບຸກຄະລາກອນທີ່ມີຄວາມຕັ້ງໜ້າ, ເປີດປະຕູແລະມີປະສິດທິຜົນຫຼາຍກວ່າເກົ່າ,ເພີ່ມທະວີການແລກປ່ຽນດ້ານບຸກຄະລາກອນໃນສາກົນ,ເພື່ອເປັນການຄ້ຳປະກັນທາງດ້ານສະຕິປັນຍາແລະບຸກຄະລາກອນໃຫ້ແກ່ການຊຸກຍູ້ຄວາມທັນສະໄໝແບບຈີນ. ຈີນຈະປັບປຸງກົນໄກຮັບປະກັນແລະສະໜັບສະໜູນການນຳເຂົ້າບຸກຄະລາກອນຕ່າງປະເທດໃຫ້ສົມບູນຂຶ້ນຢ່າງຕໍ່ເນື່ອງ,ຈະໃຫ້ການບໍລິການທີ່ມີຄຸນນະພາບສູງກວ່າເກົ່າແກ່ຜູ້ຊ່ຽວຊານແລະບຸກຄະລາກອນປະເພດຕ່າງໆຈາກຕ່າງປະເທດທີ່ເຮັດວຽກແລະດຳລົງຊີວິດຢູ່ຈີນ. ຈີນຍິນດີຮ່ວມກັບບັນດາຝ່າຍບັນລຸການຊ່ວຍຊູຍູ້ໜູນກັນດ້ານທ່າແຮງແລະການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໃນດ້ານຊັບພະຍາກອນທາງປັນຍາແລະບຸກຄະລາກອນສາກົນ.