ກິດຈະກຳແລກປ່ຽນດ້ານການສິດສອນລະຫວ່າງຄູສອນພາສາຈີນຂອງປະເທດອາຊີຕາເວັນອອກສຽງໃຕ້ “ງານພົບປະວີລະຊົນຄູສອນພາສາຈີນ” 2024 ໂດຍແມ່ນສູນແລກປ່ຽນແລະຮ່ວມມືດ້ານພາສາຈີນແລະຕ່າງປະເທດຂອງກະຊວງສຶກສາຈີນເປັນເຈົ້າພາບໄດ້ຈັດຂຶ້ນລະຫວ່າງວັນທີ 2 ຫາ 4 ພະຈິກນີ້ຢູ່ນະຄອນຫຼວງບາງກອກຂອງໄທ. ຜູ້ຕາງໜ້າຄູສອນພາສາຈີນຈາກລາວ, ກຳປູເຈຍ, ມາເລເຊຍ, ໄທ, ຫວຽດນາມແລະອິນໂດເນເຊຍໄດ້ເຂົ້າຮ່ວມກິດຈະກຳແລກປ່ຽນ, ໄດ້ສາທິດການສິດສອນ, ແບ່ງປັນບົດຮຽນການສິດສອນ, ແລກປ່ຽນປະສົບການແລະວິທີການສິດສອນ.