ວັນທີ 4 ພະຈິກນີ້, ກອງປະຊຸມເວທີເປິກສາຫາລືຕົວເມືອງໂລກຄັ້ງທີ 12 ໄດ້ໄຂຂຶ້ນຢູ່ນະຄອນຫຼວງເລິແກ ປະເທດເອຢິບ ແລະຈະດຳເນີນໄປເປັນເວລາ 5 ມື້.

     ຫົວຂໍ້ຕົ້ນຕໍຂອງກອງປະຊຸມເວທີເປິກສາຫາລືຄັ້ງນີ້ແມ່ນ“ທຸກສິ່ງທຸກຢ່າງເລີ່ມຈາກບ້ານເຮືອນ: ຊຸກຍູ້ການເຄື່ອນໄຫວຂອງທ້ອງຖິ່ນສ້າງຕົວເມືອງແລະເຂດຊຸມຊົນແບບຍືນຍົງ”, ຝ່າຍຕ່າງໆທີ່ເຂົ້າຮ່ວມກອງປະຊຸມຈະສຸມໃສ່ເປົ້າໝາຍການພັດທະນາແບບຍືນຍົງຂອງແຕ່ລະທ້ອງຖິ່ນ ພ້ອມທັງການເຄື່ອນໄຫວທ້ອງຖິ່ນ ແລະ ຂໍ້ລິເລີ່ມທີ່ຕ້ອງການໃຫ້ມີໃນການຮັບມືກັບສິ່ງທ້າທາຍຕໍ່ທົ່ວໂລກໃນປັດຈຸບັນ. ຕາມຝ່າຍເອຢິບແນະນຳໃຫ້ຮູ້ວ່າ: ມີປະມານ 3.700 ຄົນທີ່ມາຈາກຫຼາຍປະເທດ ແລະ ເຂດແຄວ້ນໄດ້ລົງທະບຽນເຂົ້າຮ່ວມກອງປະຊຸມເວທີເປິກສາຫາລືຄັ້ງນີ້, ໃນນັ້ນ, ລວມທັງລັດຖະມົນຕີ 70 ກວ່າທ່ານ ພ້ອມດ້ວຍເຈົ້າແຂວງແລະເຈົ້າເມືອງ 90 ກວ່າທ່ານ.