ວັນທີ 4 ພະຈິກນີ້, ທ່ານຮານເຈິ້ງ ຮອງປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງຄະນະຜູ້ແທນນັກທຸລະກິດຍີ່ປຸ່ນທີ່ມາຢ້ຽມຢາມຈີນຢູ່ນະຄອນຫຼວງປັກກິ່ງຂອງຈີນ.

ທ່ານຮານເຈິ້ງກ່າວວ່າ: ການຮ່ວມມືດ້ານເສດຖະກິດການຄ້າລະຫວ່າງຈີນ-ຍີ່ປຸ່ນມີພື້ນຖານທີ່ດີ, ມີຊ່ອງທາງໃຫຍ່ແລະມີການຊ່ວຍຊູຍູ້ໜູນກັນຢ່າງແຂງແຮງ, ສອງຝ່າຍຕ້ອງຂຸດຄົ້ນກຳລັງແຮງບົ່ມຊ້ອນດ້ານການຮ່ວມມືຢ່າງເລິກເຊິ່ງ, ບັນລຸໃຫ້ຕ່າງຝ່າຍຕ່າງໄດ້ຮັບຜົນປະໂຫຍດທີ່ມີລະດັບສູງກວ່າເກົ່າ. ຈີນຈະເປີດປະຕູໃຫຍ່ແຫ່ງການເປີດປະຕູສູ່ພາຍນອກໃຫ້ນັບມືນັບກວ້າງອອກກວ່າເກົ່າ, ຫວັງວ່າຄະນະຜູ້ແທນນັກທຸລະກິດຍີ່ປຸ່ນຈະເສີມຂະຫຍາຍທ່າແຮງຂອງຕົນຢ່າງເຕັມທີ, ຊຸກຍູ້ໃຫ້ວິສາຫະກິດຍີ່ປຸ່ນເຂົ້າໃຈຈີນຢ່າງຮອບດ້ານແລະຖືກຕ້ອງ, ກຳເອົາໂອກາດການພັດທະນາຂອງຈີນໃຫ້ດີ.

ທ່ານຕາເຄຊິ ນິນາມິ ຜູ້ຕາງໜ້າຄະນະຜູ້ແທນນັກທຸລະກິດຍີ່ປຸ່ນກ່າວວ່າ: ຄະນະຜູ້ແທນນັກທຸລະກິດຍີ່ປຸ່ນຍິນດີສືບຕໍ່ສົ່ງເສີມບົດບາດຂອງຕົນ, ຊຸກຍູ້ໃຫ້ວົງການວິສາຫະກິດຍີ່ປຸ່ນສືບຕໍ່ເປີດກວ້າງຕະຫຼາດຢູ່ຈີນ, ລົງເລິກການຮ່ວມມືແບບຕ່າງຝ່າຍຕ່າງໄດ້ຜົນປະໂຫຍດຕື່ມອີກ.