ລະຄອນໂທລະພາບເລື່ອງ“ໄລຍະເວລາຢູ່ພາກຕາເວັນຕົກສຽງເໜືອ” ເຊິ່ງເປັນລະຄອນທີ່ເລົ່າເລື່ອງລາວການປະຕິວັດທີ່ສຳຄັນແລະຍິ່ງໃຫຍ່ໄດ້ເລີ່ມອອກອາກາດຢູ່ຊ່ອງສັງລວມ CCTV-1 ຂອງວິທະຍຸໂທລະພາບສູນກາງຈີນຫຼື CMG ໃນເວລາ 20 ໂມງຂອງວັນທີ 5 ພະຈິກນີ້. ເຊິ່ງໄດ້ທົບທວນຄືນເລື່ອງລາວໃນອະດີດກ່ຽວກັບການສູ້ຊົນດຳເນີນການປະຕິວັດຢູ່ດິນແດນທາງພາກຕາເວັນຕົກສຽງເໜືອຂອງຈີນແລະສືບທອດສາຍເລືອດແຫ່ງນ້ຳໃຈສະມາຊິກພັກຄອມມູນິດຈີນ.

      ລະຄອນໂທລະພາບເລື່ອງດັ່ງກ່າວມີເນື້ອໃນໂດຍອີງໃສ່ປະຫວັດສາດຂອງພັກ,ສະແດງໃຫ້ເຫັນໄລຍະເວລາຫົວລ້ຽວຫົວຕໍ່ແຫ່ງການປະຕິວັດຢູ່ເຂດພາກຕາເວັນຕົກສຽງເໜືອຂອງຈີນດ້ວຍຮູບແບບສິລະປະ,ໄດ້ເລົ່າເລື່ອງລາວທີ່ທ່ານ ສີຈົ້ງຊຸ່ນ ພໍ່ຂອງທ່ານ ສີຈິ້ນຜິງແລະນັກປະຕິວັດຊົນຊັ້ນກຳມາຊີບຮຸ່ນກ່ອນທ່ານອື່ນໆໄດ້ທຳຄວາມພະຍາຍາມເພື່ອພາລະກິດຂອງພັກແລະຜົນປະໂຫຍດຂອງປະຊາຊົນ,ສູ້ຊົນຕໍ່ສູ້ແບບນອງເລືອດ,ຄົ້ນຄວ້າຊອກຫາສັດຈະທຳຢ່າງລຳບາກ,ຍຶດໝັ້ນການສະແຫວງຫາຄວາມຈິງຈາກສະພາບຕົວຈິງ,ຍຶດໝັ້ນແນວຄິດອາໄສປະຊາຊົນແລະສ້າງສາປະເທດຈີນໃໝ່.