ຫວ່າງບໍ່ດົນມານີ້, ນັກຂ່າວໄດ້ຮັບຂໍ້ມູນຈາກບໍລິສັດທາງລົດໄຟລາວ-ຈີນຈຳກັດແຈ້ງໃຫ້ຮູ້ວ່າ: ນັບມາຮອດວັນທີ 4 ພະຈິກນີ້, ເສັ້ນທາງລົດໄຟຈີນ-ລາວຕອນທາງຢູ່ລາວໄດ້ຮອງຮັບການຂົນສົ່ງຜູ້ໂດຍສານຫຼາຍກວ່າ 3 ລ້ານເທື່ອຄົນໃນປີນີ້ ເຊິ່ງໄດ້ສຳເລັດເປົ້າໝາຍໜ້າທີ່ຮອງຮັບການຂົນສົ່ງຜູ້ໂດຍສານໝົດປີນີ້ກ່ອນເວລາກຳນົດ.

     ອີງຕາມຂໍ້ມູນສະແດງໃຫ້ເຫັນວ່າ: ນັບມາຮອດວັນທີ 4 ພະຈິກນີ້, ຈຳນວນການຂົນສົ່ງຜູ້ໂດຍສານຕາມເສັ້ນທາງລົດໄຟຈີນ-ລາວຕອນທາງຢູ່ລາວໄດ້ເພີ່ມຂຶ້ນ 44,4% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນ, ລົດໄຟຂົນສົ່ງຜູ້ໂດຍສານສາກົນໄດ້ຂົນສົ່ງຜູ້ໂດຍສານຈຳນວນ 108.200 ເທື່ອຄົນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 165,8%, ຜູ້ໂດຍສານແມ່ນມາຈາກ 101 ປະເທດແລະເຂດແຄວ້ນ.

     ອີງຕາມບໍລິສັດທາງລົດໄຟລາວ-ຈີນຈຳກັດແນະນຳໃຫ້ຮູ້ວ່າ: ຈຳນວນການຂົນສົ່ງຜູ້ໂດຍສານຕາມເສັ້ນທາງລົດໄຟຈີນ-ລາວຕອນທາງຢູ່ລາວໄດ້ເພີ່ມຂຶ້ນຢ່າງຫຼວງຫຼາຍແມ່ນຍ້ອນໄດ້ຮັບຜົນປະໂຫຍດຈາກເສດຖະກິດລາວຟື້ນຕົວຄືນໃໝ່ ລາວເປັນປະເທດປະທານໝູນວຽນຂອງອາຊຽນແລະການເປີດປີທ່ອງທ່ຽວລາວ ພ້ອມທັງການປະຕິບັດນະໂຍບາຍຍົກເວັ້ນວີຊາໃຫ້ກຸ່ມນັກທ່ອງທ່ຽວຈີນ ແລະ ສາເຫດອື່ນໆ.