ວັນທີ 5 ພະຈິກນີ້, ທ່ານສີຈິ້ນຜິງ, ປະທານປະເທດຈີນໄດ້ ສົ່ງສານຊົມເຊີຍເຖິງທ່ານດູມາ ໂບໂກ, ເພື່ອຊົມເຊີຍທ່ານໄດ້ຮັບເລືອກຕັ້ງເປັນປະທານາທິບໍດີສາທາລະນະລັດບົດສະວານາ.

ເນື້ອໃນສານຊົມເຊີຍຂອງທ່ານສີຈິ້ນຜິງລະບຸວ່າ, ໃນຊຸມປີມໍ່ໆມານີ້, ການພົວພັນລະຫວ່າງສອງປະເທດມີທ່ວງທ່າພັດທະນາທີ່ດີ, ສອງຝ່າຍໄດ້ຮັບຜົນງານອັນພົ້ນເດັ່ນໃນການຮ່ວມມືໃນຂົງເຂດຕ່າງໆ ເຊັ່ນ: ພື້ນຖານໂຄງລ່າງ, ພະລັງງານສະອາດ, ສາທາລະນະສຸກ ແລະອື່ນໆ. ຂ້າພະເຈົ້າໃຫ້ຄວາມສຳຄັນຕໍ່ການພັດທະນາສາຍພົວພັນລະຫວ່າງຈີນ-ບົດສະວານາ ໃນລະດັບສູງ, ຍິນດີທຳຄວາມພະຍາຍາມຮ່ວມກັບປະທານາທິບໍດີ ໂບໂກ ເພື່ອຊຸກຍູ້ໃຫ້ການພົວພັນຄູ່ຮ່ວມຍຸດທະສາດລະຫວ່າງສອງຝ່າຍກ້າວຂຶ້ນສູ່ລະດັບສູງກວ່າເກົ່າ ແລະ ສ້າງຄວາມສຸກຫຼາຍກວ່າເກົ່າໃຫ້ແກ່ປະຊາຊົນສອງຊາດ.