ຫວ່າງມໍ່ໆມານີ້, ກອງປະຊຸມສຸດຍອດນັກວິທະຍາສາດໜຸ່ມໂລກປີ 2024 ຮອບເອີຣົບໄດ້ຈັດຂຶ້ນຢູ່ນະຄອນຫຼວງບຣຸກແຊນປະເທດແບນຊິກຢ່າງສຳເລັດຜົນ ເຊິ່ງໄດ້ດຶງດູດນັກຄົ້ນຄວ້າວິທະຍາສາດ ແລະນັກທຸລະກິດເກືອບ 200 ທ່ານທີ່ມາຈາກ 30 ປະເທດໃນທົ່ວໂລກເຂົ້າຮ່ວມ. ຜູ້ເຂົ້າຮ່ວມກອງປະຊຸມໄດ້ລົງເລິກເປິກສາຫາລືກ່ຽວກັບຫົວຂໍ້ຕ່າງໆ ເຊັ່ນ: ການປະຕິຮູບການສຶກສາຂອງມະຫາວິທະຍາໄລ, ການປະດິດສ້າງໃໝ່ຂອງຊາວໜຸ່ມ, ເຕັກນິກວິທະຍາສາດໃນອະນາຄົດແລະອື່ນໆ, ພ້ອມນັ້ນຍັງໄດ້ບັນລຸຜົນງານຫຼາຍຢ່າງ.

ໃນເວລາປະກອບຄຳເຫັນ, ທ່ານເຟີ້ຍເຊິ້ງຊາວ ເອກອັກຄະລັດຖະທູດຈີນປະຈຳແບນຊິກຊີ້ໃຫ້ເຫັນວ່າ, ວິທະຍາສາດບໍ່ມີຂອບເຂດຈຳກັດ, ໂດຍປະເຊີນໜ້າກັບຄວາມບໍ່ແນ່ນອນຂອງໂລກ, ບໍ່ວ່າຄວາມກ້າວໜ້າທາງດ້ານເຕັກນິກວິທະຍາສາດ ຫຼື ການຂະຫຍາຍຕົວຂອງການພົວພັນສາກົນ, ປະຊາຊົນປະເທດຕ່າງໆລ້ວນແຕ່ຄວນເພີ່ມທະວີການແລກປ່ຽນເຊິ່ງກັນແລະກັນ ເພື່ອເພີ່ມຄວາມເຂົ້າໃຈກັນ, ຮ່ວມກັນຮັບມືກັບສິ່ງທ້າທາຍດ້ານການພັດທະນາຂອງມວນມະນຸດ. ຈີນຍິນດີລົງເລິກການຮ່ວມມືກັບຜູ້ມີຄວາມຮູ້ຄວາມສາມາດຂອງປະເທດຕ່າງໆ, ຍົກລະດັບຊີວິດການເປັນຢູ່ຂອງປະຊາຊົນຈີນແລະຕ່າງປະເທດ ດ້ວຍການປະດິດສ້າງໃໝ່ທາງດ້ານເຕັກນິກວິທະຍາສາດ, ຊຸກຍູ້ສັນຕິພາບແລະການພັດທະນາຂອງໂລກ.