ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ປະທານປະເທດຈີນ, ທ່ານ ອາເລັກຊານເດີ ສຕຸບ  ປະທານາທິບໍດີແຟງລັງໄດ້ຢ້ຽມຢາມປະເທດຈີນທາງລັດຖະກິດລະຫວ່າງວັນທີ 28 ຫາ 31 ຕຸລາ 2024. ໃນໄລຍະຢ້ຽມຢາມປະເທດຈີນ, ທ່ານສຕຸບ ໄດ້ໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນຫຼື CMG.

ທ່ານ ອາເລັກຊານເດີ ສຕຸບ ກ່າວວ່າ: ການພັດທະນາຂອງຈີນເຮັດໃຫ້ຂ້າພະເຈົ້າຮູ້ສຶກ ປະທັບໃຈສະເໝີ. ຂ້າພະເຈົ້າເຄີຍໄປນະຄອນຊຽງໄຮ້, ນະຄອນເສີງຕູ່ ແລະຫຼາຍ ຕົວເມືອງຂອງຈີນ, ມາປະເທດຈີນທຸກເທື່ອລ້ວນແຕ່ໄດ້ພົບເຫັນການພັດທະນາຂອງຈີນ ໄດ້ກ້າວຂຶ້ນສູ່ລະດັບໃໝ່ອີກຄັ້ງໜຶ່ງ.

ທ່ານ ອາເລັກຊານເດີ ສຕຸບ ກ່າວວ່າ: ແຟງລັງແມ່ນໜຶ່ງໃນປະເທດຕາເວັນຕົກທີ່ສ້າງຕັ້ງ ສາຍພົວພັນທາງການທູດກັບຈີນກ່ອນໝູ່, ທັງເປັນປະເທດຕາເວັນຕົກທຳອິດທີ່ເຊັນສັນຍາ ການຄ້າລະຫວ່າງລັດຖະບານກັບຈີນ. ປັດຈຸບັນ, ຈີນໄດ້ກາຍເປັນຄູ່ການຄ້າໃຫຍ່ອັນດັບໜຶ່ງ ຂອງແຟງລັງຢູ່ອາຊີຫຼາຍປີລຽນຕິດ, ສ່ວນແຟງລັງກໍເປັນຄູ່ການຄ້າໃຫຍ່ອັນດັບ 3 ຂອງຈີນ ຢູ່ເຂດເອີຣົບເໜືອ.

ການຢ້ຽມຢາມປະເທດຈີນຄັ້ງນີ້ ໄດ້ຮູ້ວ່າ:ຈີນໄດ້ຈັດເອົາແຟງລັງເຂົ້າໃນບັນຊີລາຍຊື່ ປະເທດປະຕິບັດນະໂຍບາຍຍົກເວັ້ນວີຊາແຕ່ຝ່າຍດຽວຂອງຈີນ, ນີ້ເປັນເລື່ອງດີທີ່ເໜືອ ຄວາມຄິດ, ຂ້າພະເຈົ້າຮູ້ສຶກດີໃຈທີ່ສຸດ, ແຟງລັງຂອບໃຈນຳຈີນທີ່ສຸດ. ສ່ວນວິສາຫະກິດ ແຟງລັງທີ່ໄດ້ຮູ້ຂ່າວດັ່ງກ່າວຕ່າງກໍຮູ້ສຶກຕື່ນເຕັ້ນດີໃຈຫຼາຍ.

ປີໜ້າແມ່ນປີທີ່ແຟງລັງ-ຈີນສ້າງສາຍພົວພັນທາງການທູດຄົບຮອບ 75 ປີ, ຂ້າພະເຈົ້າຫວັງວ່ານັກທ່ອງທ່ຽວຈີນທີ່ໄປທ່ຽວແຟງລັງຈະເພີ່ມຂຶ້ນຕື່ມອີກ, ພ້ອມກັນນັ້ນກໍຫວັງໃຫ້ນັກທ່ອງທ່ຽວແຟງລັງມາທ່ຽວຈີນຫຼາຍກວ່າເກົ່າ.