ວັນທີ 6 ພະຈິກນີ້,  ດ່ານກວດກາຊາຍແດນບໍ່ຫານແຈ້ງໃຫ້ຮູ້ວ່າ: ນັບມາຮອດວັນທີ 5 ພະຈິກນີ້, ດ່ານດັ່ງກ່າວໄດ້ກວດກາແລະອະນຸຍາດໃຫ້ຜູ້ໂດຍສານຈາກ 5 ປະເທດເຂດລ່ອງແມ່ນ້ຳຂອງ ຄື: ລາວ, ກຳປູເຈຍ, ມຽນມາ, ໄທແລະຫວຽດນາມ ເຂົ້າອອກດ່ານຕ່າງໆລະຫວ່າງຊາຍແດນຈີນ-ລາວ ທີ່ຢູ່ກິ່ງແຂວງສິບສອງພັ່ນນາແຂວງຢຸນນານຈີນ ຈຳນວນເກືອບ 900.000 ເທື່ອຄົນ, ເຊິ່ງໄດ້ເພີ່ມຂຶ້ນ 116.3% ເມື່ອທຽບໃສ່ໄລຍະດຽວກັນຂອງປີກາຍ. ໃນ 5 ປະເທດເຂດລ່ອງແມ່ນ້ຳຂອງດັ່ງກ່າວ, ນັກທ່ອງທ່ຽວລາວ, ໄທ ແລະ ຫວຽດນາມ  ເຂົ້າອອກດ່ານຫຼາຍກວ່າໝູ່ຕາມລຳດັບ, ສາເຫດຕົ້ນຕໍແຫ່ງການເຂົ້າອອກດ່ານແມ່ນການທ່ອງທ່ຽວ, ການດຳເນີນທຸລະກິດ, ການສຶກສາ ແລະ ການເຂົ້າຮ່ວມກອງປະຊຸມ.