ກອງປະຊຸມສົນທະນາອະລິຍະທຳຈີນ-ອາເມຣິກາລາຕິນ 2024 ໄດ້ຈັດຂຶ້ນຢູ່ນະຄອນຫຼວງລີມາຂອງເປຣູໃນວັນທີ 6 ພະຈິກນີ້. ບຸກຄົນສຳຄັນໃນວົງການການເມືອງ,ຜູ້ຊ່ຽວຊານ,ນັກວິຊາການ,ບຸກຄົນໃນວົງການອຸດສາຫະກຳການຄ້າແລະອື່ນໆທີ່ໄປຈາກຈີນພ້ອມດ້ວຍເປຣູ,ອາກຊັງຕິນແລະອື່ນໆ 10 ກວ່າປະເທດອາເມຣິກາລາຕິນຈຳນວນ 150 ກວ່າທ່ານໄດ້ດຳເນີນການຄົ້ນຄວ້າສົນທະນາແລະແລກປ່ຽນຄວາມເຫັນກັນໂດຍປິ່ນອ້ອມຫົວຂໍ້ຕົ້ນຕໍ “ການສືບທອດອະລິຍະທຳແລະການພັດທະນາຄວາມທັນສະໄໝ”,ເພື່ອສະໜອງການສະໜັບສະໜູນທາງປັນຍາແລະສະແຫວງຫາຊ່ອງທາງການຮ່ວມມືໃຫ້ແກ່ຈີນແລະປະເທດອາເມຣິກາລາຕິນໃນການເພີ່ມທະວີການແລກປ່ຽນແລະຖອດຖອນບົດຮຽນດ້ານອະລິຍະທຳ,ການສືບທອດການພັດທະນາແລະຮ່ວມກັນກ້າວເດີນໄປຕາມເສັ້ນທາງແຫ່ງຄວາມທັນສະໄໝ.

      ແຂກຜູ້ມີກຽດຝ່າຍຈີນທີ່ເຂົ້າຮ່ວມກອງປະຊຸມກ່າວວ່າ: ຈີນແລະປະເທດອາເມຣິກາລາຕິນຄວນຍຶດໝັ້ນຖືເອົາການສືບທອດແລະປະດິດສ້າງດ້ານອະລິຍະທຳເປັນສິ່ງສຳຄັນ,ຮ່ວມກັນສະແຫວງຫາເສັ້ນທາງແຫ່ງການພັດທະນາແບບທັນສະໄໝ,ເພື່ອສ້າງຜົນງານແຫ່ງອະລິຍະທຳທີ່ຂ້າມຜ່ານພົມແດນແລະການເວລາແລະມີມົນສະເໜ່າທີ່ຍືນຍົງ. ສອງຝ່າຍຍັງຄວນຍຶດໝັ້ນຊຸກຍູ້ການແລກປ່ຽນແລະຮ່ວມມືດ້ານອະລິຍະທຳ,ເພື່ອສ້າງຜົນງານທີ່ມີຜົນປະໂຫຍດຕໍ່ປະຊາຊົນຫຼາຍກວ່າເກົ່າ.