ວັນທີ 6 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງທ່ານນາງໄມອາ ຊານດູ, ເພື່ອສະແດງຄວາມຊົມເຊີຍຕໍ່ທ່ານທີ່ໄດ້ຮັບເລືອກຕັ້ງເປັນປະທານາທິບໍດີສາທາລະນະລັດໂມນໂດວາອີກສະໄໝໜຶ່ງຕິດຕໍ່ກັນ.

ເນື້ອໃນສານຊົມເຊີຍຂອງທ່ານສີຈິ້ນຜິງລະບຸວ່າ: ຈີນກັບໂມນໂດວາແມ່ນຄູ່ຮ່ວມໄມຕີຈິດທີ່ມີມູນເຊື້ອ. ໃນໄລຍະປີມໍ່ໆມານີ້, ການພົວພັນລະຫວ່າງສອງປະເທດໄດ້ຮັບການພັດທະນາຢ່າງໝັ້ນທ່ຽງ, ການຮ່ວມມືດ້ານການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ຮັບການຊຸກຍູ້ຢ່າງສະດວກສະບາຍ. ຂ້າພະເຈົ້າໄດ້ເອົາໃຈໃສ່ໃນລະດັບສູງຕໍ່ການພັດທະນາການພົວພັນລະຫວ່າງຈີນ-ໂມນໂດວາ, ຍິນດີພະຍາຍາມຮ່ວມກັບທ່ານນາງປະທານາທິບໍດີ, ນຳພາການພົວພັນຂອງສອງປະເທດໃຫ້ກ້າວເດີນໄປຂ້າງໜ້າຢ່າງຍາວໄກແລະໝັ້ນທ່ຽງ.