ວັນທີ 8 ພະຈິກນີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນແຈ້ງໃຫ້ຮູ້ວ່າ: ໂດຍຕອບສະໜອງຕາມຄຳເຊີນຂອງທ່ານນາງດິນາ ໂບລູອັດ ປະທານາທິບໍດີສາທາລະນະລັດເປຣູ, ທ່ານສີຈິ້ນຜິງ ປະທານປະເທດຈີນຈະເດີນທາງໄປນະຄອນຫຼວງລີມາຂອງເປຣູເພື່ອເຂົ້າຮ່ວມກອງປະຊຸມສຸດຍອດບໍ່ເປັນທາງການຂອງອົງການຮ່ວມມືເສດຖະກິດອາຊີປາຊີຟິກຄັ້ງທີ 31 ແລະຢ້ຽມຢາມເປຣູທາງລັດຖະກິດລະຫວ່າງວັນທີ 13 ຫາ 17 ພະຈິກນີ້.

     ໂດຍຕອບສະໜອງຕາມຄຳເຊີນຂອງທ່ານລູຍສ ອິນາຊິໂອ ລູລາ ດາ ຊິນວາ ປະທານາທິບໍດີສາທາລະນະລັດສະຫະພັນບຣາຊິນ, ທ່ານສີຈິ້ນຜິງ ປະທານປະເທດຈີນຈະເດີນທາງໄປນະຄອນຣີໂອເດີຈາເນໂຣຂອງບຣາຊິນເພື່ອເຂົ້າຮ່ວມກອງປະຊຸມສຸດຍອດກຸ່ມ 20 ປະເທດ ຫຼື G20 ຄັ້ງທີ 19 ແລະຢ້ຽມຢາມບຣາຊິນທາງລັດຖະກິດລະຫວ່າງວັນທີ 17 ຫາ 21 ພະຈິກນີ້.