ເນື່ອງໃນໂອກາດທ່ານສີຈິ້ນຜິງ ປະທານປະເທດຈີນຈະເດີນທາງໄປນະຄອນຣີໂອເດີຈາເນໂຣຂອງບຣາຊິນເພື່ອເຂົ້າຮ່ວມກອງປະຊຸມສຸດຍອດກຸ່ມ 20 ປະເທດ ຫຼື G20 ຄັ້ງທີ 19 ແລະຢ້ຽມຢາມບຣາຊິນທາງລັດຖະກິດ, ຫວ່າງບໍ່ດົນມານີ້, ກິດຈະກຳອອກອາກາດລາຍການຮູບເງົາແລະໂທລະພາບທີ່ດີເດັ່ນຂອງວິທະຍຸໂທລະພາບສູນກາງຈີນ ຫຼື CMG ຢູ່ບຣາຊິນໄດ້ເລີ່ມດຳເນີນຢູ່ນະຄອນຊາວ ເປົາໂລຂອງບຣາຊິນ. ລາຍການຮູບເງົາແລະໂທລະພາບທີ່ດີເດັ່ນຂອງ CMG ຈຳນວນ 20 ກວ່າເລື່ອງເຊິ່ງລວມທັງລາຍການ“ເລື່ອງລາວຂອງທ່ານສີຈິ້ນຜິງ”ແລະອື່ນໆໄດ້ເລີ່ມອອກອາກາດພ້ອມກັນຜ່ານສື່ມວນຊົນຫຼັກ 10 ກວ່າແຫ່ງຂອງທ້ອງຖິ່ນ.

     ທ່ານເຊິ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ຜູ້ອຳນວຍການໃຫຍ່ CMG ໄດ້ກ່າວຄຳປາໄສຜ່ານທາງວິດີໂອ. ທ່ານຢູຍເພີງ ກົງສຸນໃຫຍ່ຈີນປະຈຳຊາວ ເປົາໂລ ພ້ອມດ້ວຍຜູ້ຮັບຜິດຊອບທີ່ກ່ຽວຂ້ອງຂອງສື່ມວນຊົນຕ່າງໆຂອງບຣາຊິນໄດ້ເຂົ້າຮ່ວມກິດຈະກຳແລະກ່າວຄວາມເຫັນ.