ຕອນບ່າຍວັນທີ 7 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານອັນວາ ບິນ ອິບຣາຮິມ ນາຍົກລັດຖະມົນຕີມາເລເຊຍທີ່ມາຢ້ຽມຢາມຈີນຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.

      ທ່ານສີຈິ້ນຜິງກ່າວວ່າ: ຈີນແລະມາເລເຊຍຄວນຖືໂອກາດ ສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຈີນ-ມາເລເຊຍຄົບຮອບ 50 ປີ ກໍຄື "ປີມິດຕະພາບຈີນ-ມາເລເຊຍ", ເພີ່ມທະວີການເຊື່ອມໂຍງດ້ານຍຸດທະສາດການພັດທະນາ, ລົງເລິກການຮ່ວມມືຮອບດ້ານທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ສືບຕໍ່ຊຸກຍູ້ການຮ່ວມກັນສ້າງ"ໜຶ່ງແລວໜຶ່ງເສັ້ນທາງ"ດ້ວຍຄຸນນະພາບສູງ, ຊຸກຍູ້ອະລິຍະທຳຈີນ ແລະ ອະລິຍະທຳອິດສະລາມພັດທະນາຮ່ວມກັນໂດຍຜ່ານການຮຽນຮູ້ ແລະຖອດຖອນບົດຮຽນເຊິ່ງກັນແລະກັນ, ຮ່ວມກັນຊຸກຍູ້ການສ້າງປະຊາຄົມຮ່ວມຊາຕາກຳຈີນ-ມາເລເຊຍໃຫ້ລົງສູ່ລວງເລິກ ແລະ ມີຜົນສຳເລັດອັນແທ້ຈິງ.

ທ່ານອັນວາກ່າວວ່າ: ລັດຖະບານມາເລເຊຍສຸມກຳລັງເຂົ້າໃນການລົງເລິກການພົວພັນຄູ່ຮ່ວມຍຸດທະສາດຮອບດ້ານກັບຈີນຕື່ມອີກ ພ້ອມທັງເພີ່ມທະວີການຮ່ວມມືກັບຈີນໃນຂົງເຂດຕ່າງໆເຊັ່ນ: ເຕັກນິກຂໍ້ມູນຂ່າວສານ ເສດຖະກິດດີຈີຕອນ ພະລັງງານ ແລະອື່ນໆ.