ຢູ່ຕາມຮ້ານວາງສະແດງຂອງບໍລິສັດກາເຈີຂອງເຢຍລະມັນ, ຜູ້ຊົມທັງຫຼາຍສົນໃຈນຳເຄື່ອງທຳຄວາມສະອາດມືຖືທີ່ພົບໄດ້ ທີ່ເປີດໂຕເປັນຄັ້ງທຳອິດໃນຂອບເຂດທົ່ວໂລກ; ບໍລິສັດວິທະຍາສາດໂປສຕັນຂອງອາເມຣິກາໄດ້ເປີດໂຕລະບົບກວດກາເສັ້ນເລືອດດ້ວຍຄື້ນອະພິສຽງລຸ້ນໃໝ່; ບໍລິສັດໄຊສໄດ້ເປີດໂຕກ້ອງຊ່ອງຈຸລະທັດຜ່າຕັດລະດັບສູງທີ່ຜະລິດຢູ່ຈີນລຸ້ນທຳອິດ ແລະອື່ນໆ, ໃນງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ທີ່ພວມຈັດຂຶ້ນຢູ່ນະຄອນຊຽງໄຮ້ຂອງຈີນ, ວິສາຫະກິດຕ່າງປະເທດຕ່າງໆໄດ້ເປີດໂຕຜະລິດຕະພັນດີຈີຕອນ, ສີຂຽວ ແລະ ອັດສະລິຍະຕ່າງໆໃນຂອບເຂດທົ່ວໂລກເປັນຄັ້ງທຳອິດ.

ໃນຖານະເປັນສະຖານທີ່ສຳຄັນແຫ່ງການຮ່ວມມືດ້ານການປະດິດສ້າງໃໝ່ໃນຂອບເຂດທົ່ວໂລກ, ງານວາງສະແດງສິນຄ້ານຳເຂົ້າສາກົນຈີນ 6 ຄັ້ງທີ່ຜ່ານມາໄດ້ວາງສະແດງຜະລິດຕະພັນໃໝ່, ເຕັກນິກໃໝ່ ແລະ ການບໍລິການໃໝ່ເປັນຄັ້ງທຳອິດໃນຂອບເຂດທົ່ວໂລກທີ່ມີລັກສະນະຕາງໜ້າເກືອບ 2.500 ລາຍການແລ້ວ. ງານວາງສະແດງຄັ້ງນີ້ໄດ້ຈັດໃຫ້ມີເຂດວາງສະແດງວັດຖຸໃໝ່ເປັນການສະເພາະ ໂດຍມີການວາງສະແດງໃນຂອບເຂດທົ່ວໂລກເປັນຄັ້ງທຳອິດ, ໃນຂອບເຂດອາຊີເປັນຄັ້ງທຳອິດ ແລະ ໃນຂອບເຂດປະເທດຈີນເປັນຄັ້ງທຳອິດທັງໝົດ 400 ກວ່າລາຍການ ເຊິ່ງໄດ້ວາງສະແດງກຳລັງການຜະລິດໃນຄຸນນະພາບໃໝ່ ເພື່ອນຳພາການພັດທະນາການປະດິດສ້າງໃໝ່ດ້ານວິທະຍາສາດເຕັກໂນໂລຊີຂອງທົ່ວໂລກ.