ຫວ່າງບໍ່ດົນມານີ້, ຄະນະກຳມະການກວດກາໄພອຶດຫິວ (FRC) ຂອງໂຄງການອາຫານໂລກອົງການສະຫະປະຊາຊາດໄດ້ອອກຄຳແຈ້ງເຕືອນວ່າ: ບາງທ້ອງຖິ່ນຢູ່ທາງພາກເໜືອເຂດກາຊາອາດຈະເກີດໄພອຶດຫິວ, ຝ່າຍຕ່າງໆທີ່ປະທະກັນຕ້ອງໃຊ້ມາດຕະການໃນທັນທີ ເພື່ອຫຼຸດຜ່ອນສະພາບທີ່ມີລັກສະນະເປັນໄພພິບັດ.

ກ່ຽວກັບເລື່ອງນີ້, ວັນທີ 9 ພະຈິກນີ້ ເຈົ້າໜ້າທີ່ກອງທັບອິດສະຣາແອນໄດ້ອອກຖະແຫຼງການ ໂດຍປະຕິເສດບໍ່ຍອມຮັບຄຳແຈ້ງເຕືອນຂອງຊ່ຽວຊານຄວາມໝັ້ນຄົງດ້ານສະບຽງອາຫານໂລກ ກ່ຽວກັບການເກີດໄພອຶດຫິວຢູ່ບາງທ້ອງຖິ່ນທາງພາກເໜືອເຂດກາຊາ ແລະຕອບໂຕ້ວ່າ ນັກຄົ້ນຄວ້າແມ່ນອີງໃສ່ “ຂໍ້ມູນຝ່າຍດຽວທີ່ມີຄວາມເຫັນເປັນອະຄະຕິ ແລະ ຜູ້ໄດ້ຮັບຜົນປະໂຫຍດ” ເປັນແຫຼ່ງທີ່ມາຂອງຂໍ້ມູນອ້າງອີງ.